උතුරු-නැගෙනහිර

උතුරු-නැගෙනහිර ජනතාවත් ඔවුන් ගේ ආත්ම ගරුත්වය හා නිදහස් පැවැත්ම ගැනත් දකුණේ සිංහල සමාජය කතා කරන්නේ, ඒ සියල්ල දැන් මේ ආණ්ඩුව විසින් එල්.ටී.ටී.ඊ ත‍්‍රස්තවාදය පරාජය කිරීමෙන් නිවැරදි කර ඇත යන, සිංහලවාදී අභිමානයෙනි. ආණ්ඩුව කියන ආකාරයට දැන් එහි ගොඩ නැගෙන්නේ සුර පුරයකි. ‘‘නැගෙනහිර උදානය’’ හා ‘‘උතුරු වසන්තය’’ සමගින් ඒ පළාත් වල සංවර්ධනය දැන් දෝරේ ගලන්නේ ය. දකුණ පිළිගන්නට වඩා කැමති, එවැනි කතා ය. එහෙත් සැබෑව එය නොවේ යැයි කියන්නට එහි යන එන කොළඹ ඉහළ සමාජයේ ඉන්නා රාජ්‍ය නොවන විශේෂඥයෝ ද, ස්වාධීන යැයි කියා ගන්නා රාජ්‍ය නොවන මාධ්‍ය ලොක්කෝ ද ඉදිරිපත් නොවෙති. එබැවින් සිංහල සමාජයේ යටත් වැසියන් පමණක් නොව, පුරවැසියන් ද උතුරේ සහ නැගෙනහිර පවත්නා යථා තත්ත්වය පිළිබඳව සැබෑ තොරතුරු නොදන්නෝ ය.

දෙමළ ජාතික සන්ධානයේ පාර්ලිමේන්තු මන්තී‍්‍ර එම්. ඒ. සුමන්තිරන් මහතා ‘‘ශී‍්‍ර ලංකාවේ උතුරු-නැනෙහිර තත්ත්වය – බරපතල කණස්සල්ලට හේතුවන කාරණා සමූහයක්’’ යන මැයෙන් දෙවන වරටත් ඉකුත් ඔක්තෝම්බර 21 වන දින උතුරු-නැනෙහිර පවත්නා තත්ත්වය පිලිබඳව විස්තරාත්මක වාර්තාවක් පාර්ලිමේන්තුවට ඉදිරිපත් කරන්නේ, ඒ පසුබිමෙහි ය. එම වාර්තාවට හෝ එහි ඇතුළත් කරුනු කාරණා පිළිබඳව, සිංහල හෝ ඉංගී‍්‍රසි ප‍්‍රධාන ධාරාවේ කිසිදු මාධ්‍යයක් විසින් වැදගත් ආවරණයක් ලබා දී නැත.
එනිසා සිංහලෙන් මෙහි පළ කෙරෙන්නේ සංස්කරණය නොකළ එහි පළමු කොටස ය.

උතුරු – නැගෙනහිර: බරපතළ කනස්සල්ලට හේතුවන කාරණා සමූහයක්
දෙමළ ජාතික සන්ධානයේ පාර්ලිමේන්තු මන්තී‍්‍ර එම්. ඒ. සුමන්තිරන්
සිංහල පරිවර්තනය, කුසල් පෙරේරා

01. හඳුන්වාදීම

පසු ගිය ජූලි 07 වන දින උතුරු-නැගෙනහිර පැවති බැරෑරුම් හදිසි තත්ත්වය සම්බන්ධව මම පාර්ලිමේන්තුවට වාර්තාවක් ඉදිරිපත් කළෙමි. මෙය එහි ඊළ`ග එකතුව ය. මෙයින් සාකච්ඡුා කෙරෙන්නේ ඒ ප‍්‍රදේශයන්හි ඉන් පසු ඇති වූ හෝ එතැන් සිට තවමත් අවසන් නොවුනු කාරණා සම්බන්ධයෙනි.

02. හමුදාකරණය
2.1 සංඛ්‍යා ලේඛන හා හමුදාව සිටීමේ බලපෑම – වර්ග කිලෝ මීටර 65,619 ක් වන භුමි ප‍්‍රමාණයෙන් උතුරු-නැගෙනහිර ලෙස දෙමළ වාසය ඇත්තේ වර්ග කිලෝ මීටර 18,880 කය. එනමුත් 2009 මැයි මාසයෙන් පසු, දෙමළ ජනතාව සතු වූ ඉඩම් වලින් වර්ග කිලෝ මීටර 7,000 ක් හමුදාව අත් කර ගෙන ඇත. යාපනය අර්ධද්වීපයේ දළ වශයෙන් සෑම දෙමළ වැසියන් දස දෙනෙකුටම, එක සොල්දාදුවෙකු ඇත. විශාල හමුදාවක් උතුරු-නැනෙහිර නවතා සිටීම, ඉතාම බරපතල කාරණාවකි. යුද්ධය අවසන් වී වසර දෙකක් ඉක්ම ගියද, මේ ප‍්‍රදේශ වල පැවති ගැටුම්කාරී තත්ත්වයෙන් ඒවා සාමාන්‍ය තත්ත්වයට පත් කිරීමට, තවම ආණ්ඩුවට නොහැකි වී ඇත. මෙම වාර්තාවෙහි අනෙක් කොටස් වලින් පැහැදිලිව පෙන්වා දෙන අයුරු, සමාජ පැවැත්ම බිඳ වැටීම, ලිංගික හිංසනයන් ඇතුලූ රාජ්‍ය ප‍්‍රචණ්ඩත්වය, ඉඩම් කොල්ලය හා පදිංචි කිරීම්, ප‍්‍රදේශයේ ජනතාවගේ ජීවනෝපායන් පිළිබඳ ගැටළු වැනි බොහෝමයක් ප‍්‍රශ්න වලට සහ ප‍්‍රදේශයේ පරිපාලනය ඇතුලූ ආණ්ඩු පාලනයටත් සමථ කි‍්‍රයාකාරිත්වයටත් නොනිල වශයෙන් මැදිහත්වීම, උතුරු-නැගෙනහිර ඇති විශාල හමුදා රැඳවීම් හා සෘජු සම්බන්ධයක් ඇත.

2.2 රාජ්‍ය අපරාධ නොතැකීම – රාජ්‍ය අපරාධ නොතැකීමේ හැදියාව, දිගු කාලයක සිට පැවත එන බරපතල කාරණයකි. මෙහි පසුව සවිස්තරව ඉදිරිපත් කෙරෙන ආකාරයට, ලිංගික හිංසන ඇතුලූ රාජ්‍ය ප‍්‍රචණ්ඩත්වය සම්බන්ධයෙන් මෙය වඩාත් අදාල ය. කිසියම් සිදුවීමක් සම්බන්ධව රාජ්‍ය හමුදාවන්ට, රාජ්‍ය නිලධාරියෙකුට හෝ සෘජු හෝ වක‍්‍ර ආකාරයෙන් රජයේ නිලධරයෙකු ගේ අභිමතය මත කි‍්‍රයා කළ පුදග්ලයෙකුට විරුද්ධව හෝ පැමිණිලි කළ ද, කිසිදු පරීක්ෂණයක් ඒ වෙනුවෙන් සාමාන්‍යයෙන් නොකෙරෙන්නේ ය. නිදසුනක් වශයෙන් පළමු වාර්තාවෙහි සඳහන් කෙරුනු අලවෙට්ටිහි පහරදීම් ගැන පරීක්ෂණ කෙරෙන්නේ නැත. එවගේම, උදයන් පවුත් පතේ කර්තෘට පහර දීම සම්බන්ධයෙන් වන පරීක්ෂණ ද තවමත් එතැනම ය. උතුරු-නැනෙහිර ‘‘ගී‍්‍රස් යකා’’ පහර දීම් පිළිබඳ පරීක්ෂණ ද එවැනිම ය. එවගේම, වසරකට පමණ පෙර සන්නද්ධ කාණ්ඩයක් විසින් නිවාස වලට අලාභ හානී කර වැසියන්ට පහර දීම පිලිබඳව කෙරුනු පරීක්ෂණ ද තවමත් එතැනම ය. Continue reading උතුරු-නැගෙනහිර

කුමුදු ගේ තීරුව

‘කොළඹ නගර සංවර්ධන විවාදය‘
යහපත් නගරය ප්‍රජාතන්ත්‍රවාදය, විවිධත්වය සහ දුප්පතුන්ගේ අයිතීන් සුරකියි
අප හිතවත් වික්ටර් අයිවන් ‘කොළඹ නගර සංවර්ධන විවාදය‘(රාවය, 2011 ඔක්තෝබර් 9) මැයෙන් ලියූ ලිපිය සාකච්ඡාවකට වැදගත් කරුණු මතු කරයි. මෙම ලිපියේ අරමුණ එවැනි සාකච්ඡාවක් සඳහා වෙනත් දැක්මකින් කරුණු ඉදිරිපත් කිරීම මිස මේ පිළිබඳ වික්ටර් අයිවන් සමග විවාදයකට එළඹීම නොවේ.

මෙහි ලා මා අවධාරණය කරන්නට කැමති අදහස නම් නගර සංවර්ධනයේදී වැදගත්ම කරුණ වන්නේ සංවර්ධනය සිදුවිය යුත්තේ ප්‍රජාතන්ත්‍රවාදය සහ ජන දිවියේ විවිධත්වය සුරැකෙන අයුරිනි, යන්නයි. ප්‍රජාතන්ත්‍රවාදය යටතේ නූතන නගරයේ හරය ඇත්තේ එහි පුරවැසියනට තම සාමුහික ජීවිතය, ප්‍රජාතන්ත්‍රවාදී පදනමක් මත, සහ නගරයේ සංස්කෘතික, සමාජීය, දේශපාලන සහ ආර්ථික විවිධත්වය රැකගෙන පවත්වා ගෙන යාමට හැකි වන අයුරින්, ගෙනයාමට හැකිවීම තුළ වන බැවිනි.

කොළඹ නගර සංවර්ධන වැඩසටහන ගෝඨාභය රාජපක්ෂගේ යැයි වික්ටර් අයිවන් කියන විටම වත්මන් නගර සංවර්ධන වැඩ පිළිවෙළට අදාල පුද්ගල සාධකය අවධාරණය කෙරේ.

පුද්ගල සාධකය සහ පුරවැසි අයිතීන්

පුද්ගල සාධකය මුල්කරගෙන දියත් කෙරෙන නාගරික සංවර්ධන වැඩපිළිවෙලවල් අමතක කරන වැදගත්ම කරුණ නම් නගර සංවර්ධන වැඩසටහන් පුරවැසියන්ගේ විය යුතු බවයි. අමෙරිකාව වැනි ප්‍රජාතන්ත්‍රවාදය මුල්කරගත් දියුණු ධනපති රටවල නාගරික සංවර්ධන වැඩ පිළිවෙළවල සාමාන්‍යයෙන් ගත් කළ හැම සුලු පියවරකදීම පුරවැසියන්ට දැනුම් දීම සහ ඔවුන් සහභාගීකර ගැනීම වැදගත් කොට සළකන්නේ නගරයේ ජීවය රඳා ඇත්තේ පුරවැසි ප්‍රජාතන්ත්‍රවාදය මත යැයි ඔවුන් විශ්වාස කරන හෙයිනි. නමුත් අපේ නගර සංවර්ධනය නිලධාරීන් විසින් පුරවැසියන් මත පැනවෙනු ලබන්නක් මිස පුරවැසියන් ගේ අනු දැනුමෙන් ඇතිවන සංවර්ධනයක් නොවේ.

ගෝඨාභය රාජපක්ෂ ආරක්ෂක ලේකම්වරයා හමුදා දෘෂ්ටි කෝණයකින් දේවල් බලන ආකල්පයෙන් අත්මිදී ප‍්‍රජාතන්ත‍්‍රවාදී දෘෂ්ටි කෝණයකින් දේවල් බලන තැනකට මාරුවිය යුතු යැයි වික්ටර්‍ අයිවන් කරන යෝජනාවෙන් අපගේ ඉහත අදහස සනාථ කෙරෙයි.

මීට පෙර නගරය සංවර්ධනය කරන්නට මෙලෙස ඉදිරිපත් වූවන් අතර ඇමති මංගල සමරවීර කැපී පෙණුනු බව වික්ටර් අයිවන් සදහන් කරයි. මංගල සමරවීරලා ගේ පාලනය යටතේ එක් අතකින් අමාත්‍ය ආරක්ෂක අංශයේ නිලධාරීන් රතුකුරුස හන්දියේදී ජන මාධ්‍ය වේදීන්ට පොලු පහර දී කැමරා උදුරා ගනිද්දී අනිත් අතින් ගාලු මුවදොර පිටිය වටා කොන්ක්‍රීට් වාටි එලමින්, ගාලු මුවදොර ‘කථිකයන්ගේ මුල්ල‘ක් හැදුවේ පුරවැසියන්ගේ අදහස් විමසමින් ප්‍රජාතන්ත්‍රවාදී අයිතීන් සුරකින්නට නොව තම ස්වයං විභූතිය සඳහා බව පැහැදිළිය.

නගර සංවර්ධනය පිළිබඳ ‘බැලූ බැල්මට පෙනෙන්නේ‘ යැයි වික්ටර් අයිවන් සඳහන් කරන සමහර කරුණු මඳක් සියුම්ව විමසා බැලූ කල ගොඩ නැඟෙන චිත්‍රය වෙනස් විය හැකිය. Continue reading කුමුදු ගේ තීරුව

අවමංගල

හේමරත්න ලියනආරච්චි අභාවප්‍රාප්ත වෙයි

ලේඛක හේමරත්න ලියනආරච්චි ගේ අභාවය ‘කතිකා‘ සාතිශය සංවේගයෙන් සටහන් කරයි.

හේමරත්න ලියනආරච්චි පාදඩයකුගෙන් (1965), අන්තිම දා (1967), හා මම රාත්‍රිය වෙමි යන නවකතා තුනෙහිත්, මතක සටහන් (1964), හා සපුමල්ගේ ලෝකය (1991) යන කෙටිකතා සංග්‍රහ දෙකෙහිත් කතුවරයා වෙයි. මීට අමතරව ඔහු ‍ෂේක්ස්පිය‍ර්ගේ සමකාලීන ශ්‍රේෂ්ඨ නාට්යක රචකයෙකු වූ ක්‍රිස්ටෝෆර් මාර්ලෝගේ Dr. Faustus නමැති කෘතිය සිංහල නාට්‍ය අනුමණ්ඩලයේ ආරාධනයක් පරිදි “ෆෝස්ටස්” නමින් සිංහලට පෙරළන ලදුව 1999දී සංස්කෘතික කටයුතු දෙපාර්තමේන්තුව මඟින් පළ කෙරිණ.

ගුරුවරයෙකු වශයෙන් හා කථිකාචාර්යවරයෙකු වශයෙන් සේවය කළ හේමරත්න ලියනආරච්චි මහතා පේරාදෙණිය ගුරු විද්‍යාලයේ අධිපතිව සිට විශ්‍රාම ලබා සිය කාලය සාහිත්‍ය කටයුතු සඳහා යොදවමින් සිටියේය. ඔහුගේ “බටහිර සාහිත්‍යයේ විචාරයේ ඉතිහාසය” නමින් සිළුමිණ පුවත්පතෙහි දීර්ඝ කාලයක් තිස්සේ පළ වූ ලිපි පෙළ ග්‍රන්ථයක් වශයෙන් පළ කිරීම සඳහා ඔහු විසින් සංස්කරණය කෙරෙමින් පැවතුණි. හෙතෙම ග්‍රීක පුරාණෝක්ති පිළිබඳ විශ්වකෝෂයක පරිවර්තනයක් ද මුද්‍රණය සඳහා සකස් කරමින් සිටියේය.

මිය යනවිට 73 වැනි වියෙහි පසුවූ හේමරත්න ලියනආරච්චි ‘කතිකා‘ හි මිතුරකු වීය.

‘කතිකා‘ ඇරයුමින් හේමරත්න ලියනආරච්චි මහතා ලියූ පහත ලිපිය අප නැවත පළකරන්නේ ඔහු සහ ‘කතිකා‘ අතර වූ මිතුදම සමරමිනි.

Continue reading අවමංගල

දේශපාලනය

ගඩාෆි මරා දැමෙයි!

The Island 2011 ඔක්තෝම්බර් 22 පුවත් පතේ ජෙෆ්රි ගේ කාටුනය

politics

New Left of the JVP should be encouraged to enter public realm
by Kumudu Kusum Kumara

The emergence yet again of a Left group within the Janatha Vimukthi Peramuna (JVP) shows that the strong desire on the part of youth to engage in politics, the desire to appear and shine in the public realm and thus display one’s excellence to the world, cannot be suppressed even under most challenging circumstances.

We need to view positively that this group claims that it is interested in, resisting neo-liberalism, promoting socialism and bringing the alienated ethnic minorities, Tamil community in particular, into the fold of the nation.

These are positions in line with the prevalent political interests of the community. Mahinda Chinthana Idiri Dekma states that the Sri Lankan people have rejected neo-liberalism. Hence, shouldn’t it be appreciated that these youth have come forward to assert the same position? The idea of socialism is entrenched in Sri Lankan society. Gunadasa Amarasekera, the founder of Jathika Chinthanaya, claims that Sri Lanka has inherited socialist views from Buddhist thinking. It is plausible that Amarasekera’s view, that this was a reason for socialist ideology that came from the West to get entrenched here, is true. It is understandable if those who believe that the idea of socialism had disappeared from this country get perturbed by the rumblings within the JVP. Not only the Marxist and Trotskyite parties but even the Sri Lanka Freedom Party (SLFP) belongs in the left tradition of the country. This is manifested in that several times the SLFP formed coalition governments with left parties, the JVP itself being a partner in the previous SLFP regime led by Chandrika Kumaratunga. Winning over the ethnic minorities into the fold of the nation is a principle accepted by the present government as well. Hence, can we accuse our youth of taking those ideas seriously? Continue reading politics

විශ්ව විද්‍යාල අධ්‍යාපනය

වමේ කතිකාව: ‘අධ්‍යාපනයේ (වි) සන්ධිය:
මහජන විශ්ව විද්‍යාල පිළිබඳ කතාව’

ඉදිරිපත් කිරීම්:
සුමති සිවමෝහන්
(පේරාදෙණිය විශ්ව විද්‍යාලය)
දිලීප විතාරණ
(විවෘත විශ්ව විද්‍යාලය)

ඔක්තෝම්බර් 27 බ්‍රහස්පතින්දා
ප.ව. 4.00 ට
බොරැල්ල ඇන්. ඇම්. පෙරේරා කේන්ද්‍රයේ දී
106, ඇන්. ඇම්. පෙරේරා මාවත
කොළඹ 08.
සංවාදයට ඔබත් එන්න!
සමාජවාදී අධ්‍යයන කවය

Left Discourse
“Education and its (dis)contents:
the case of the public university”

Lead Discussants:

Sumathy Sivamohan
(University of Peradeniya)

Dileepa Witharana
(Open University)

Thursday, 27 October 2011
at 4.00 pm

at the
N.M. Perera Centre
106, Dr. N.M. Perera Mawatha, Colombo 8.

You are cordially invited.

Socialist Study Circle

පොත-පත

‘‘සාකෝසි යනු කුමක්ද?’’
– ඇලේන් බදියු
ප‍්‍රංශ දාර්ශනික ඇලේන් බදියුගේ The Meaning of Sarkozy කෘතියේ සිංහල පරිවර්තනය ‘‘සාකෝසි යනු කුමක්ද?’’ ලෙසින් එලිදැක්වීම නිමිතිකොට ගෙන කොමියුනිස්ට්වාදය හා සමකාලීන දේශපාලනය පිළිබඳ සම්මන්ත‍්‍රණයක් හා සංවාදයක් ඔක්තෝම්බර් මස 12 වන දින සවස 03.00 ට ජාතික පුස්තකාල හා ප‍්‍රලේඛන සේවා මණ්ඩල ශ‍්‍රවණාගාරයේ (නිදහස් මාවත) දී පැවැත්වේ. මෙහිදී මූලික අදහස් දැක්වීම් සිදුකරනු ලබන්නේ නිර්මාල් රංජිත් දේවසිරි, සුමනසිරි ලියනගේ සහ ප‍්‍රදීප් ජයරත්න වේ. මෙම කෘතිය පිළිබඳ සාකච්ජාවකටත් විමුක්තිකාමී දේශපාලනයේ අනාගතය පිළිබඳ සංවාදයකටත්, ‘මධ්‍යස්ථානය’, සහෘද ඔබ සැමට ආරාධනා කරයි.

– ‘මධ්‍යස්ථානය’

විශ්ව විද්‍යාල අධ්‍යාපනය

මානවශාස්ත‍්‍ර පේරාදෙණිය විශ්වවිද්‍යාලයෙන් ඉවතටද?
– ඩෙස්මන්ඞ් මල්ලිකාරච්චි හිටපු මහාචාර්ය සහ අංශාධිපති, දර්ශන සහ මනෝවිද්‍යා අංශය, පේරාදෙණිය විශ්වවිද්‍යාලය
පේරාදෙණිය විශ්ව විද්‍යාලයේ උසස් උපාධි කමිටුව සහ කලා පිඨාධිපති එකතුව ඩිප්ලෝමාල ශාස්ත‍්‍රපති සහ දර්ශනපති ආදී පශ්චාත් උපාධි පාඨමාලා පවත්වාගෙනයාම සාධාරණිකරණය කරන වාර්තාවක් සපයන්නැයි දර්ශනය, ලලිත කලා, බටහිර සම්භාව්‍ය සංස්කෘතිය, පාලි සහ බෞද්ධ අධ්‍යයනයන්, සංස්කෘත සහ ඉතිහාසය ආදී මානව ශාස්ත‍්‍ර විෂයයන් උගන්වන දෙපාර්තමේන්තු ප‍්‍රධානීන්ගෙන් ඉල්ලා ඇත, මෙම ඉල්ලීමට හේතු පාදක වූ තර්කය මෙසේය.

ඔවුන්ගේ තර්කය
මානවශාස්ත‍්‍ර විෂයයන් පශ්චාත් උපාධි මට්ටමින් හදාරන්නන්ගේ සංඛ්‍යාව වාර්ෂිකව එක විෂයයක සිට පස්දෙනෙකුවත් නොඉක්මවන අතර එම පාඨමාලා මේ දක්වා වුවද නඩත්තු වූයේ අපේක්ෂක අපේක්ෂිකාවන් විශාල වශයෙන් ලියා පදිංචිවන ආර්ථික, සමාජ, දේශපාලන, සහ කළමනාකරණ ආදී සමාජයීය විද්‍යා විෂයයන්ගෙන් උපයන ආදායමිනි. මානවශාස්ත‍්‍ර පාඨමාලාවෙහි ශිෂ්‍ය සංඛ්‍යාව අඩු නිසා එයින් ලැබෙන සුළු ආදායමින් එම පාඨමාලා නඩත්තු කිරීමට අපහසුය. පශ්චාත් උපාධි පාඨමාලා පවත්වාගෙන යාම සඳහා දෙපාර්තුමේන්තු ප‍්‍රධානීන්ට සාධාරණීකරණිය වාර්තාවක් ඉදිරිපත් කිරීමට පදනම් වූ තර්කයේ සාරාංශය එයයි.

අපේ තර්කය
පුරා දශක හතරක් මානවශාස්ත‍්‍ර විෂයයන් කිහිපයක් පේරාදෙණිය විශ්වවිද්‍යාලයේ සහ වෙනත් විශ්වවිද්‍යාලවලත් ඉගැන්වූ ගුරුවරයෙකු හැටියට බලන කල උසස් අධ්‍යයන කමිටුව සහ කලා පීඨාධිපති මානවශාස්ත‍්‍ර පාඨමාලා පවත්වාගෙන යාම සාධාරණිකරණය කරන්නැයි ඉල්ලා ලිපියක් යැවීමම හාස්‍ය ජනකයැයි මම සිතමි. මෙම ඉල්ලීම යටින් දිවෙන සත්‍යය නම් පේරාදෙණිය විශ්වවිද්‍යාලයෙන් මානවශාස්ත‍්‍ර පිටමං කිරීමයි. මෙම ඉල්ලීම මානවශාස්ත‍්‍ර ඝාතනයෙහි පළමු පියවර ලෙස මම දකිමි. දෙක වනුයේ දෙපාර්තුමේන්තු ප‍්‍රධානීන් ඉදිරිපත් කොට ඇති වාර්තාවෙහි තර්කය ”පණ මදි” යැයි ඔවුනට දන්වා එවීමයි. ”පණ මදි” වනුයේ මානව ශාස්ත‍්‍රයන්ට තමන්ගේ පශ්චාත් උපාධි පාඨමාලා නඩත්තු කිිරීමට අවශ්‍ය මුදල් සොයා ගත හැකිය යන්න ඔප්පු කිරීමට අසමර්ථ වීමය. තුන වනුයේ ආර්ථික ප‍්‍රතිලාභ නැති නිසා පේ.වි.විද්‍යාලයේ මානව ශාස්ත‍්‍ර පශ්චාත් උපාධි මට්ටමින් ඉගැන්වීම නවතා දැමිය යුතුය යන තීරණයට එළඹීමයි. (සමහර විට බලධාරීන් මුලින්ම මෙම තීරණය ගන්නට ඇත). වාර්තාවක් ඉල්ලා යැවීම මෙම මූඨ, අත්තනෝමතික තීරණය ක‍්‍රියාන්විත කිරීමේ පළමු පියවරයි. මානවශාස්ත‍්‍ර සඳහා වෙනම විශ්වවිද්‍යාලයක් විවෘත කිරීමට එස්.බී. පසුගියදා ප‍්‍රතිඥා දීම සහ මෙවන් වාර්තාවක් ඉල්ලා යැවූ ලිපිය සමඟ සම්බන්ධ බව කුඩා දරුවෙකුට වුවද වැටහේ. ඇරත් ”මාර්කට්’‘ වටිනාකමක් නැති (මානවශාස්ත‍්‍ර, මානවශාස්ත‍්‍ර වනුයේම මේ නිසාය). මානවශාස්ත‍්‍ර සඳහා පශ්චාත් උපාධි පමණක් නොව උපාධි මට්ටමින් පවා ලියාපදිංචිවන සංඛ්‍යාව සීමිත බව, කලා පීඨාධිපති සහ උසස් අධ්‍යයන කමිටුව අත්දැකීමෙන්ම දනිති. ඒවායින් ආදායමක් පසුගිය දශක කිහිපය පුරාම නොලැබුණු වුවද ඔවුහු හොඳාකාරවම දනිති. එසේම අනාගතයේදී වුවද ”රට යන අත” දෙස බලන කල මානවශාස්ත‍්‍ර දෙපාර්තුමේන්තු වලට කිසිදු ආදායමක් පෙන්විය නොහැකි බවද ඔවුන් නොදන්නවා නොවේ. තත්වය මෙසේ තිබියදී මානවශාස්ත‍්‍ර පශ්චාත් උපාධි පවත්වාගන යෑම යුක්ති සහගත කොට එවැන්නැයි වාර්තාවක් ඉල්ලා යවන්නේ ඇයිදැයි මම නොදනිමි. Continue reading විශ්ව විද්‍යාල අධ්‍යාපනය

කුමුදු ගේ තීරුව

ජනතා විමුක්ති පෙරමුණේ වාම කණ්ඩායම මහජන තලයේ දේශපාලනයට කැඳවිය යුතුයි

ජනතා විමුක්ති පෙරමුණ තුළ වාම කණ්ඩායමක් යලිත් මතුව ඒම පෙන්නුම් කරන්නේ, දේශපාලනයෙහි නිරත වීමෙහි ලා තරුණ තරුණියන් තුළ ඇති බලවත් අවශ්‍යතාව, මහජන පරිමණ්ඩලයේ පෙනී සිට, බැබළී තම විශිෂ්ටත්වය ලොවට පෙන්නුම් කිරීමට ඔවුන් තුළ ඇති අවශ්‍යතාව කුමන දුෂ්කර තත්වයන් තුළ පවා යටපත් නොවන බවයි.

මෙම වාම කණ්ඩායම ඔවුන් නවලිබරල්වාදය පිළිබඳ විවේචනයක් ගොඩනැංවීම සහ සමාජවාදය පතා කටයුතු කරන බව පැවසීමත් සියලු ජනවර්ගයන්ට සාධාරණත්වය ඉටුවන සේ ලංකාවේ දේශපාලන ව්‍යුහය සකස්විය යුතුයැයි කියා සිටීම ත් අප විසින් සැළකිය යුත්තේ සාධනීය දෙයක් ලෙසිනි.

ලාංකේය ජනතාව නව ලිබරල්වාද ප්‍රතික්ෂේපකොට ඇතැයි මහින්ද චින්තන ඉදිරි දැක්ම ප්‍රකාශනයේ සඳහන් වෙයි. ඉතින් මෙය තහවුරු කරන්නට තරුණයන් ඉදිරිපත්වීම මහින්ද චින්තනය අනු දකින්නන් විසින් ද අගය කළ යුතු නොවේද?

සමාජවාදය පිළිබඳ අදහස ලංකාවේ මුල් බැස ගත්තකි. ජාතික චින්තනයේ නිර්මාතෘ ගුණදාස අමරසේකරයෝත් ලංකාව බෞද්ධ දැක්මෙන් සමාජවාදී චින්තනය උරුම කොට ගත් රටකැයි කියති. මෙය, බටහිරින් ආ සමාජවාදය මෙරට මුල් බැස ගන්නට හේතුවක් විනැයි යන අමරසේකරයන්ගේ අදහසෙහි සත්‍යයක් ඇතියි සිතිය හැකිය. ඉතින් සමාජවාදය පිළිබඳ අපේක්ෂාව මෙරටින් තුරන් වූවා යැයි සිතා සිටි ඇතැමෙකු ජනතා විමුක්ති පෙරමුණේ ඇතිවී තිබෙන කලබලයෙන් කලබල වීම තේරුම් ගත හැකිය. අපේ දේශපාලනයේ වාම සම්ප්‍රදායට මාක්ස්වාදී සහ ට්‍රොට්ස්කිවාදී පක්ෂ පමණක් නොව ශ්‍රී ලංකා නිදහස් පක්ෂයද අයිති වෙයි. බොහෝ විට ශ්‍රී ලංකා නිදහස් පක්ෂ ආණ්ඩුවල හවුල් කරුවන් වාමාංශික පක්ෂ වීමෙන් මේ බව පෙනෙයි.

සියලු ජනවර්ගයන්ට සාධාරණත්වය ඉටුවන සේ දේශපාලන බලය බෙදාහැරීමද වත්මන් රජය පවා පිලිගත් ප්‍රතිපත්තියකි. දහතුන් වැනි සංශෝධනයෙන් එහාට බලය බෙදිය යුතුයැයි ජනාධිපතිවරයාමත් වරින් වර ප්‍රකාශ කොට තිබේ. ඉතින් එම අදහස් බැරෑරුම්ව භාර ගැනීම ගැන අප තරුණයන්ට දොස් කීම සාධාරණද?

සාධාරණය, යුක්තිය, සමානාත්මතාව වෙනුවෙන් පෙනී සිටීමට මෙම තරුණයන් තුළ ඇති අභිලාෂය පෙන්නුම් කරන්නේ අප සමාජය විසින් ඔවුන් තුළ පැළ පදියම් කොට ඇති මානවීය ගුණාංගයන් ය. මෙබඳු කලෙක එබඳු තරුණ තරුණයන් පිරිසක් අප සමාජයේ තව දුරටත් ඉතිරිව සිටීම අප සමාජයේ අනාගතය පිළිබඳ කිසියම් සාධනීය බලාපොරොත්තුවක් අප තුළ දනවයි. පොදු යහපත ඉලක්ක කොට තම උරුමයෙන් වඩාගත් දේශපාලන අදහස් වෙනුවෙන් ක්‍රියා කරන්නට ඔවුන් දක්වා ඇති කැපවීම පෙන්නුම් කරන්නේ ඔවුන්ගේ ධෛර්යය සම්පන්න භාවයයි, නිර්භීත කමයි. මෙම ගුණාංග තව තවත් වගා කරගන්නට අප තරුණයන් දිරිගැන්විය යුතු නොවේද? Continue reading කුමුදු ගේ තීරුව

නාගරික සංවර්ධනය

m10-sri1-480

සංවර්ධනය ද? ප්‍රජාතන්ත්‍රවාදය ද? දෙකම!
– පුරවැසියා විසිනි
ඉදිරියේ ඇති නාගරික ඡන්දය, සංවර්ධනය සහ නගරයේ පුරවැසියන්ගේ ප්‍රජාතන්ත්‍රවාදී අපේක්ෂාවන් අතර ගැටුමක ජය පරාජය තීරණය කෙරෙන සටනක් බවට පත්වන්නේ නම් එය නගරයේත් රටේත් යහපතට හේතු නොවේ. සංවර්ධනය පිළිබඳ දේශපාලනඥයන්ගේ, සැලසුම්කරුවන්ගේ සහ ඉංජිනේරුවන්ගේ අරමුණු නගරයේ පුරවැසි අපේක්ෂාවන් සමඟ ගැටීමට මූලික හේතුව නාගරික සංවර්ධන සැළසුම් සහ ක්‍රියාත්මක කිරීම් පුරවැසියන්ගේ සහභාගීත්වයෙන් සහ එකඟත්වයෙන් කළ යුතු බවට අවබෝධයක් මුලින් කී කණ්ඩායමට නොතිබීමයි. මේ බව නාගරික සංවර්ධනය සම්බන්ධයෙන් එකී කණ්ඩායම ගත් හැම ක්‍රියාමාර්ගයකදීම මෙන් ප්‍රකාශ විය. ඔවුන්ගේ විශ්වාසය නගරය සංවර්ධනය කළ යුතු ආකාරය තමන් මැනවින් දන්නා හෙයින් ඒ සඳහා අනුන් විමසීම අවශ්‍ය නොවන බව යැයි පෙනේ. ඔවුන්ට අමතක වන කරුණ ලෙස පෙනෙන්නේ සමෘද්ධිමත් නගරය යනු හුදු හෞතිකව දියුණු, අලංකාර කළ, සංචාරකයන් සහ පොහොසතුන් පමණක් සැප සම්පත් විඳින නගරය නොවන බවයි. සශ්‍රීක නගරය සියලු පුරවැසියන්ට ඉහළ ජීවන තත්වයක් ලබා දීමටද, සාධාරණය සහ යුක්තිය ඉටු කිරීමටද, හැම කටයුත්තකදීම ඔවුන්ගේ සහභාගීත්වය සහ එකඟත්වය ලබා ගැනීමටද ක්‍රියා කරන හෙයින්, ස්ථායි බවින් යුතුව, මිනිස් කමින් බැබළෙන නගරය වන්නේය.

වත්මන් නාගරික සංවර්ධන යෝජනා ලංකාවේ නූතන ඉතිහාසය පුරා ඓන්ද්‍රීයව සිදුවූ විකාශනයන් හි ප්‍රථිපල ඉමහත් රාශියක් වැරදි ලෙස සළකා ඒ සියල්ල එක රැයින් නිවැරදි කරන්නට ඇති විශ්වකර්ම අපේක්ෂාවක් පිළිබිඹු කරයි. Continue reading නාගරික සංවර්ධනය