ජනාධිපතික්‍රමය, නව ලිබරල්වාදය සහ ප්‍රජාතන්ත්‍රවාදය

ජනාධිපතික්‍රමය, නව ලිබරල්වාදය සහ ප්‍රජාතන්ත්‍රවාදය
කුමුදු කුසුම් කුමාර

ලංකාවේ ජනාධිපති පත්වන්නේ මහජන ඡන්දයෙනි. ජනපතිවරණයට එක් දේශපාලන පක්ෂයක නියෝජිතයෙකු ලෙස තරඟ කළද පදවි ප්‍රාප්ත වූ පසු ජනාධිපතිවරයා රටේ සමස්ත ජනතාවගේ ජනාධිපති ලෙස ඔවුනට සේවය කළ යුතු වෙයි. එහෙයින් රජය සැදුම් ගන්නා දේශපාලන සංවිධානවලට පිටස්තර වුවද රටේ විවිධ ජන කොටස් වෙතින් රජයට ඉල්ලීම් කෙරෙන විට ජනාධිපතිවරයා ඒවා තමන්ට පසමිතුරු ලෙස සළකා මර්ධනය කිරීමට යොමුවීම ජනාධිපති තනතුර හෑල්ලුවට ලක් කරයි.

අවාසනාවට මෙන් ජනාධිපති තනතුර පිහිටුවූ ආරම්භක සමයේ සිටම මෙරට ජනාධිපතිවරුන් ක්‍රියාකොට ඇත්තේ මෙබඳු ආකල්පයකිනි. මා දකින පරිදි මීට හේතුව වන්නේ තම සිතැඟි පරිදි රජයේ ප්‍රතිපත්ති තීරණය කිරීමේ තනි අයිතිය තමා සතුයැයි ජනාධිපතිවරුන් තීරණය කරන්නට පෙළඹීමයි. එවිට එම ප්‍රතිපත්තිවලට එරෙහිවන්නේ යැයි සිතන කවරෙකු හෝ රජයේ සතුරෙකු ලෙසින් ගෙන ඔවුන් කෙසේ හෝ පරාජය කිරීමට කටයුතු කිරීම ජනාධිපති ගේ දේශපාලනයේ ප්‍රධාන අංගයක් වෙයි.

ජේ. ආර්. ජයවර්ධන ලංකාවට ජනාධිපතික්‍රමය හඳුන්වා දුන්නේම බහු පාර්ශ්වීය දේශපාලන පක්ෂ ක්‍රමයක් සහිත ප්‍රජාතන්ත්‍රවාදී දේශපාලන පද්ධතියක් පැවතීම නිසා පක්ෂ දේශපාලනය මත සිදුවන ආණ්ඩු වෙනස් කිරීමට යටත්ව රට ‘සංවර්ධනය‘ කළ නොහැකිය යන නිගමනයට එළඹ එම තත්වය ජය ගනුවස් විධායක බලය ජනාධිපති අත කේන්ද්‍රගත කරමිනි. ඉංග්‍රීසි කියමනකට පරිදි ‘ඉන් පසු සිදු වූ දේ ඉතිහාසගත වී අවසන්ය.‘

ජනාධිපති ජේ. ආර්. ජයවර්ධන රට සංවර්ධනය කරන්නට යැයි කියා විවෘත ආර්ථිකය යනුවෙන් ජනවහරේ හැඳින්වීමට ආ ජාත්‍යන්තර මූල්‍ය අරමුදලේ සහ ලෝක බැංකුවේ නව ලිබරල්වාදී ආර්ථික ප්‍රතිපත්ති ලංකාවට හඳුන්වා දී ඊට එරෙහිව ක්‍රියා කරන්නේ යැයි සිතූ සියලු බලවේග දරුණු ලෙස මර්ධනය කරන්නට රාජ්‍ය බලය යොදාගත්තේය. “දහහත් වසරක ශාපය“ යැයි විපක්ෂය හඳුන්වා දුන් එම පාලනය මෙරට ජනතාව ප්‍රතික්ෂේප කළේ ‘විපක්ෂයෙන් පොල් පිත්තක් ඉදිරිපත් කළත් උඩින් දිනනවා‘ යැයි සාමාන්‍ය ජනයා කී ජනාධිපතිවරණයකින් චන්ද්‍රිකා කුමාරතුංගට සියයට 62 ක අතිමහත් ඡන්ද ප්‍රතිශතයක් ලබා දෙමිනි. ඇයගේ ප්‍රධාන මැතිවරණ සටන් පාඨය “මනුස්ස මුහුණක් සහිත විවෘත ආර්ථිකයක්“ වීමෙන් පෙන්නුම් කළේ ජේ. ආර්. ජයවර්ධන ගේ නව ලිබරල්වාදී සංවර්ධනයේ අමනුස්ස මුහුණවරයි. ජනාධිපතික්‍රමය අහෝසි කොට පාර්ලිමේන්තුව නියෝජනය කරන ජනතා පරමාධිපත්‍යය යලි ස්ථාපිත කරන්නෙමැයි ශපථ කොට බලයට ආ චන්ද්‍රිකා කුමාරතුංගගේ අයාලේ ගිය ලිබරල් දේශපාලන තන්ත්‍රය ජනාධිපතික්‍රමය අහෝසි කළේ නැත.

එපමණක් නොව නව ලිබරල්වාදය ට මනුස්ස පෙනුමක් ලබා දීම කෙසේ වෙතත් අධ්‍යාපනයෙන් අප සමාජයට ලැබී තිබුණු මනුස්සකම අහෝසි කිරීමට පියවර ගනිමින් නව ලිබරල්වාදය තීරණාත්මක ලෙස අධ්‍යාපන ක්ෂේත්‍රයට ද ඇතුලු කළේය. නව ලිබරල්වාදී බලවේග චන්ද්‍රිකා කුමාරතුංගගේ ගජ මිතුරු වෛද්‍ය තාරා ද මෙල් මගින් රාජ්‍ය වියදම් කපා හැරීමේ ලෝක බැංකු ව්‍යාපෘති අධ්‍යාපන ක්ෂේත්‍රයට ද ගෙන එන්නට සමත් වීය. මෙහිදී රජීව විජේසිංහ තාරා ද මෙල්ගේ උපදේශකවරයෙකු ලෙස ක්‍රියා කළේය. චන්ද්‍රිකා කුමාරතුංග ද තමන් ගේ සතුරන් යැයි සිතූ බලවේග මර්ධනයට රාජ්‍ය බලය නිර්දය ලෙස යොදා ගත්තාය. එකල ඇගේ අග සව්වන් වූයේ මංගල සමරවීර සහ එස්. බී. දිසානායක ඇමතිවරුන් ය.

මහින්ද රාජපක්ෂ ජනාධිපති පදවියට පත්වන්නේ නව ලිබරල්වාදී ප්‍රතිපත්ති ලාංකේය සමාජයේ ක්‍රියාත්මක කිරීමට එරෙහිව මෙරට ජනයා ගෙන ගිය දීර්ඝ කාලීන අරගලයේ ප්‍රථිඵලයක් ද ලෙසිනි. එය පිළිගනිමින් තමන් නව ලිබරල්වාදී ප්‍රතිපත්ති ප්‍රතික්ෂේප කරන්නේ යැයි ‘මහින්ද චින්තනය‘ සඳහන් කර ඇත. නමුත් අද, ජනාධිපති මහින්ද රාජපක්ෂ යටතේ නව ලිබරල්වාදී ආර්ථික ප්‍රතිපත්ති අන් කවරදාකටත් අන් කාහටත් වඩා සාර්ථකව ක්‍රියාත්මක කෙරෙමින් පවතී. වෛද්‍ය තාරා ද මෙල් මගින් අධ්‍යාපන ක්ෂේත්‍රයට පිවිසුණු නව ලිබරල්වාදී බලවේග අමාත්‍ය එස්. බී. දිසානායක හරහා උසස් අධ්‍යාපන ක්ෂේත්‍රය තම ග්‍රහණයට ගැනීමේ ප්‍රබල උත්සාහයක නිරත වී සිටියි. රජීව විජේසිංහ ජාතික ලැයිස්තු මන්ත්‍රීවරයා අමාත්‍ය එස්. බී. දිසානායක ගේ උසස් අධ්‍යාපන ‘නවීකරණ ව්‍යාපෘතිය‘ ඉමහත් සේ වර්ණනා කරමින් සිටියි. Continue reading ජනාධිපතික්‍රමය, නව ලිබරල්වාදය සහ ප්‍රජාතන්ත්‍රවාදය

Advertisements

රාජ්‍ය ආරක්ෂාව සහ සරසවි ඇදුරු වර්ජනය

රාජ්‍ය ආරක්ෂාව සහ සරසවි ඇදුරු වර්ජනය
කුමුදු කුසුම් කුමාර
විශ්ව විද්‍යාල ආචාර්යවරුන්ගේ වැඩ වර්ජනයට දැන් දින 80 කි. ඔවුනගේ ඉල්ලීම් වලට සාධනීය විසඳුමක් මේ දක්වා ඉදිරිපත් කොට නොමැති රජය දැන් එය මර්ධනය කිරීමට සූදානම් වෙමින් සිටින බව පෙනෙයි. රජයට අවශ්‍ය නම් ආචාර්ය සමිති සම්මේලනය මර්ධනය කිරීම විනාඩි දහයකින් කළ හැකි බවට උසස් අධ්‍යාපන අමාත්‍ය එස්. බී. දිසානායක ප්‍රකාශ කොට තිබීමෙන් පෙනී යන්නේ එබඳු මර්ධනයක් පිළිබඳ රජය සළකා බලමින් සිටින බවයි. නමුත් විශ්ව විද්‍යාල ආචාර්යවරුන්ගේ නීත්‍යානුකූල වැඩ වර්ජනය මර්ධනය කිරීමට රජය පැත්තෙන් කිසියම් සාධාරණ හේතුවක් ඉදිරිපත් කළ හැකිද? රාජ්‍ය ආරක්ෂක අමාත්‍යංශයට ඇති බුද්ධි තොරතුරුවලට අනුව විශ්ව විද්‍යාල ආචාර්යවරුන්ගේ සාමකාමී වැඩ වර්ජනය සැබෑ ලෙසම රාජ්‍ය ආරක්ෂාවට තර්ජනයක් ද? මෙම ප්‍රශ්ණ පැණ නගින්නේ එක් අතකින් මෙම වැඩ වර්ජනයට විසඳුමක් දීම රජය විසින් දිගින් දිගටම කල් දමමින් සිටින අතරතුර අනෙක් අතට කුමන්ත්‍රණ කතා ගොතමින් වර්ජනය මර්ධනය කිරීමට රජය අර අඳින බවට සැකයක් මතු වී ඇති හෙයිනි.

විශ්ව විද්‍යාල ආචාර්ය සමිති සම්මේලනය කියා සිටින්නේ මේ වනවිට තම අවම ඉල්ලීම් රජයට ඉදිරිපත් කර ඇති බවත් ඒ සඳහා පිළිගත හැකි විසඳුමක් ලබා ගැනීමේ ඉඩකඩ ඇති බව අමාත්‍ය බැසිල් රාජපක්ෂ සහ භාණ්ඩාගාර ලේකම් ආචාර්ය පී. බී. ජයසුන්දර සමග මෙතෙක් කළ සාකච්ඡා වලින් පෙනීයන නමුත් එබඳු විසඳුමකට එළඹීමට රජය ඇතුළතින්ම බාධා එල්ල වෙමින් පවතින බවයි.

ඔවුන් හඳුනාගන්නා පරිදි මෙම බාධා මූලිකව එල්ල වන්නේ උසස් අධ්‍යාපන අමාත්‍ය එස්. බී. දිසානායක නියෝජනය කරන පාර්ශ්වයෙනි. තනතුරු ලාභාපේක්ෂාවෙන් රජයට පක්ෂපාතීත්වය පෙන්වන විශ්ව විද්‍යාල ආචාර්යවරු අතළොස්සක් ද මේ සඳහා එකතු වී සිටිති. මෙම ප්‍රශ්නය පිළිබඳ ගණුදෙනුව තමන් අතට පවරා දෙන ලෙස මොවුන් දිගින් දිගටම රජයට බලකරන බව වාර්තා වී තිබේ. විශ්ව විද්‍යාල ආචාර්ය සමිති සම්මේලනයට එරෙහිව රජයේ මාධ්‍ය තුළින් පෙනී සිටින්නේ මොවුන් ය. අමාත්‍ය බැසිල් රාජපක්ෂ සහ භාණ්ඩාගාර ලේකම් ආචාර්ය පී. බී. ජයසුන්දර ආචාර්ය සමිති සම්මේලනයේ ඉල්ලීම් පිළිබඳ විසඳුමක් ඉදිරිපත් කිරීම කඩාකප්පල් කිරීමට දිගින් දිගටම කටයුතු කරන මෙම සුළු කණ්ඩායම යොදා ගන්නා උපක්‍රමය වී ඇත්තේ රාජ්‍ය ආරක්ෂාව පිළිබඳ රජයේ ඇති සංවේදීභාවය තම වාසියට යොදාගැනීමයි.

ඔවුන් මේ සඳහා රාජ්‍ය ආරක්ෂක බලධාරීන් තම මතයට දිනාගැනීමට ආචාර්ය සමිති සම්මේලනයේ වර්ජනය පිටුපස රජය පෙරළීමේ කුමන්ත්‍රණයක් ඇති බවත් එම වැඩ පිලිවෙළට අනුව අමාත්‍ය බැසිල් රාජපක්ෂ සරසවි ඇදුරන්ගේ වර්ජනය විසඳීමට දරන උත්සාහයට පහසුකම් සපයන විශ්ව විද්‍යාල ආචාර්යවරුන් වන ජනමාධ්‍ය අමාත්‍යංශයේ ලේකම් චරිත හේරත් සහ ආර්ථික කටයුතු අමාත්‍යංශයේ ධම්ම දිසානායක දෙදෙනාද මෙම කුමන්ත්‍රණයේ අදිසි හස්තයකින් මෙහෙයැවෙන බවත් ඇතුළත් පුවතක් ගොතා ඇති බව කියැවෙයි. ඔවුන්ට මේ සඳහා මහාචාර්ය ජයදේව උයන්ගොඩගේ ගේ නම ගෑවීමට ඉහත විශ්ව විද්‍යාල ආචාර්යවරුන් දෙදෙනාට ඔවුන්ගේ අධ්‍යයන කටයුතු පිළිබඳ ඔහුට තිබී ඇති සම්බන්ධය ද උදව් වී ඇත. ආචාර්ය සමිති සම්මේලනයේ සභාපති ආචාර්ය නිර්මාල් රංජිත් දේවසිරිත්, මහාචාර්ය ජයදේව උයන්ගොඩ ත් ජනවාර්ගික ගැටලුව සම්බන්ධයෙන් ප්‍රසිද්ධියේ දරන මත සහ ඒ හා සම්බන්ධ ඔවුන් ගේ අතීත ප්‍රසිද්ධ දේශපාලන කටයුතු ද ඔවුන්ගේ “රාජ්‍ය විරෝධීභාවය“ පිළිබඳ සාක්ෂි වශයෙන් ඔවුනට කුමන්ත්‍රණ චෝදනා එල්ල කරන්නන් යොදා ගනු ඇත.

මෙම කුමන්ත්‍රණ කතාව ආචාර්ය සමිති සම්මේලනයේ වර්ජනය පරාජය කිරීම සඳහා යොදා ගන්නා හුදු උපක්‍රමික අවියකට එහා යන දෙයක් බව යෝජනා කරන නව වර්ධනයක් පසුගිය දින වාර්තා වීය. එය නම් මෙම වර්ජනය ‘සුහර්තෝ ක්‍රමය‘ට රජය පෙරලීමේ කුමන්ත්‍රණයක් බවට මාධ්‍ය පළ කළ වාර්තාවයි. රජයේ බුද්ධි අංශ වාර්තාවක් ලෙස මුලින්ම සැප්තැම්බර් 16 වැනිදා සති අන්ත මවුබිම පුවත් පතේ පළවූ දේශපාලන තොරතුරු සටහනක සඳහන් වූයේ විශ්ව විද්‍යාල ආචාර්යවරුන්ගේ රැස්වීමකට සහභාගී වූ විශේෂ පුද්ගලයන් කිහිප දෙනෙක් ගෙන් එක් අයෙක් ‘සුහර්තෝ ක්‍රමය‘ට රජය පෙරලීම පිළිබඳ උපදෙස් ලබා දුන් බවයි. ඊට පසුදින සඳුදා රජයේ දිනමිණ පුවත් පත මුල් පිටුවේ වාර්තා කළේ මෙම කුමන්ත්‍රණය ආචාර්ය සමිති සම්මේලනයේ විධායක සභා රැස්වීම්වලදී සාකච්ඡා කළ බවයි. ආචාර්ය සමිති සම්මේලනයේ සභාපති ආචාර්ය නිර්මාල් රංජිත් දේවසිරි දැනටමත් මාධ්‍ය වෙත පැහැදිළිව ප්‍රකාශ කොට ඇති පරිදි මෙම වාර්තාව අමූලික බොරුවකි. ආචාර්ය සමිති සම්මේලනය කිසිදු විටෙක රජය පෙරළීමේ කුමන්ත්‍රණයක නිරතව සිට නැති බවත් ඉහත සඳහන් ආකාර සාකච්ඡාවක් තම විධායක සභාවේ කිසිසේත්ම සිදුනොවුණු බවත් නිර්මාල් රංජිත් දේවසිරි අවධාරණය කොට සිටියි. එසේනම් මෙම “බුද්ධි අංශ“ වාර්තාවල පදනම කුමක් ද? එය වහාම ජනතාවට හෙළි කිරීම රජයේ වගකීමයි.

මෙම කුමන්ත්‍රණ පුවත මාධ්‍යවල පළවීමෙන් පසු ඒ අනුව යමින් රාජ්‍ය මාධ්‍ය පොදුවේත් අයි.ටී.එන් රූපවාහිනී නාලිකාව සහ ගුවන් විදුලි සංස්ථාව විශේෂයෙනුත් ආචාර්ය සමිති සම්මේලනයට එරෙහිව කරන ප්‍රහාර උග්‍ර කොට ඇත. උසස් අධ්‍යාපන අමාත්‍ය එස්. බී. දිසානායක ට අමතරව රජයේ වෙනත් දේශපාලනඥයෝද දැන් දැන් මෙම මාධ්‍ය ප්‍රහාර වලට පිවිස සිටිති. එම ප්‍රහාරවල අරමුණ ආචාර්ය සමිති සම්මේලනයට එරෙහිව මැර ප්‍රහාර සහ රාජ්‍ය මර්ධනය දියත් කිරීමේ වැඩ පිළිවෙලකට යුක්ති යුක්තභාවය සැපයීම බව පෙනී යයි. ආචාර්ය සමිති සම්මේලනයේ නායකත්වයට එරෙහිව කෙරෙන විවිධාකාර තර්ජන පිළිබඳ නව වටයක් ඇරඹී ඇති බව පෙනෙයි.

ඉහත ආකාරයේ මාධ්‍ය ප්‍රහාර වලට තම නමද ඈඳා ගෙන තිබීමට ප්‍රතිචාර දක්වමින් මහාචාර්ය උයන්ගොඩ ප්‍රකාශ කර ඇත්තේ තමා මෙබඳු කුමන්ත්‍රණයකට හවුල් ය යන අදහස තමා ප්‍රතික්ෂේප කරන බවයි. එමෙන්ම විශ්ව විද්‍යාල ආචාර්යවරුන්ගේ සටනට තිරය පිටුපස සිට නායකත්වය දෙන්නේ තමා ය යන්න තමා ලැබිය නොයුතු ගෞවරයක් තමාට පවරන බවයි.

ඉතින් ඉහත පසුබිම තුළ අප ඇසිය යුතු ප්‍රශ්නය වන්නේ රජය පෙරලීමට විශ්ව විද්‍යාල ආචාර්ය සමිති සම්මේලනය කුමන්ත්‍රණය කරන්නේය යන කතන්දරය රාජ්‍ය ආරක්ෂක බලධාරීන්ට ඇති බුද්ධි තොරතුරු අනුව ඔවුන් සැබෑ ලෙසම විශ්වාස කරන්නේද? යන්නයි. එබඳු ස්ථාවරයක් ගැනීමට සත්‍ය සාක්ෂි රජය සතුව තිබේද? එසේ ඇත්නම් රජය එම තොරතුරු වහා ප්‍රසිද්ධ කොට මෙම “කුමන්ත්‍රණ කරුවන්“ හෙළිදරව් කිරීමට පියවර ගත යුතුය. එසේ නොකොට මාධ්‍ය මගින් යුක්තිය පසිඳලීමේ ලා අයි.ටී.එන් සහ ගුවන් විදුලි සංස්ථාව ඇතුලු රජයේ මාධ්‍යවල ක්‍රියාත්මක කෙරෙන සමරසිංහ-අබේසුන්දර කල්ලියට රාජ්‍ය ආරක්ෂාව පිළිබඳ කටයුතු විනිශ්චය කිරීමට රාජ්‍ය ආරක්ෂක බලධාරීන් ඉඩ දී සිටින්නේදැයි ජනතාව විමසිල්ලෙන් බලා සිටිනු ඇත.

රාජ්‍ය අධ්‍යාපනය රැකගැනීමේ අරගලයට සහය දැක්වීම සඳහා කලාකරුවන්ගේ සමුළුව

රාජ්‍ය අධ්‍යාපනය රැකගැනීමේ අරගලයට සහය දැක්වීම සඳහා කලාකරුවන්ගේ සමුළුව
විශ්වවිද්‍යාල ආචාර්යවරුන්ගේ සමිති සම්මේලනය
ශ‍්‍රී ලාංකික කලාකරුවන්ට රටේ අධ්‍යාපනයේ වර්තමාන තත්වය පිළිබඳ තම අදහස් පළ කිරීමට අවස්ථාව සලසනු පිණිස සමුළුවක් විශ්වවිද්‍යාල ආචාර්යවරුන්ගේ සමිති සම්මේලනය විසින් සංවිධානය කර ඇත. මෙම අවස්ථාවට ඔබගේ සහභාගීත්වය අපි උදක්ම බලාපොරොත්තු වෙමු. ප‍්‍රකට හා සමාජමය සවිඥානිකත්වයෙන් යුතු කලාකරුවන් වශයෙන් මෙම රටේ අධ්‍යාපනයෙහි වර්තමාන තත්වය පිළිබඳ ඔබගේ අදහස් අතිශය වැදගත් බව අපගේ විශ්වාසයයි. Continue reading රාජ්‍ය අධ්‍යාපනය රැකගැනීමේ අරගලයට සහය දැක්වීම සඳහා කලාකරුවන්ගේ සමුළුව

රාජපක්ෂ රෙජීමයේ ‘අභිමානය සහ අගතිය‘

රාජපක්ෂ රෙජීමයේ ‘අභිමානය සහ අගතිය‘
කුමුදු කුසුම් කුමාර
විශ්වවිද්‍යාල ආචාර්ය වරුන්ගේ වෘත්තීය සමිති ක‍්‍රියාමාර්ගය ස්වෙච්ඡා බේරුම්කරණයට යොමුකිරීම ට රජය කටයුතු කොට ඇත. තමන් ඉදිරිපත් කොට ඇති අධ්‍යාපන ක්ෂේත්‍රයට අදාල ගැටලු මේ ආකාර ක‍්‍රියාවලියකින් විසඳීමට නොහැකි බැවින් බේරුම්කරණ ක්‍රියාවලියට සහභාගිවීම ප්‍රතික්ෂේප කිරීමට ආචාර්යවරුන්ගේ සමිති සම්මේලනය තීරණය කොට ඇත. එම විරෝධය තිබියදීත් රජය එම ක්‍රියාමාර්ගයේම ඉදිරියට යන්නේ නම් මී ළඟ පියවර වන්නේ රජයේ කැමැත්තට නියෝජිතයෙකු පත් කොට අනිවාර්ය බේරුම්කරණ ක්‍රියාවලියට පිවිසීමයි. එවිට වර්ජනය නවත්වා සේවයට වාර්තා කිරීමට වර්ජකයන්ට සිදුවන අතර බේරුම්කරු නියම කරන කාලයකට යලි වෘත්තීය ක්‍රියාමාර්ගයට පිවිසීම ඔවුනට තහනම් වෙයි. එපමණක් නොව බේරුම්කරුගේ තීන්දුව එලෙසින්ම පිළිගැනීමටද ඔවුනට සිදුවෙයි.

අනිවාර්ය බේරුම්කරණය

බේරුම්කරණ ක්‍රියාවලිය වෘත්තීය සමිති ක්‍රියා මර්ධනයට හාම්පුතුනට සහය විමට රජය යොදා ගන්නා අවියක් වන අවස්ථා ඇති බව වෘත්තීය සමිති ක්ෂේත්‍ර යේ මතය යි. අනිවාර්ය බේරුම්කරණ ක්‍රියාවලිය කිසිසේත්ම වෘත්තීය සමිති ක්ෂේත්‍රයේ පිළිගැනීමට ලක්වන්නක් නොවේ. එය ජාත්‍යන්තර කම්කරු සංවිධානයේද ප්‍රතික්ෂේප කිරීමට ලක් වී ඇති ක්‍රියාමාර්ගයකි. ඉතින්, ජනාධිපති මහින්ද රාජපක්ෂ ගේ රජය විශ්වවිද්‍යාල ආචාර්යවරුන් මත අනිවාර්ය බේරුම්කරණ ක්‍රියාවලිය බලහත්කාරයෙන් පැනවීමට උත්සාහ කරනු ඇත් ද යන්න සහ එසේ කළ හොත් විශ්ව විද්‍යාල ගුරුවරුන් එම තීන්දුව පිළිගනු ඇති ද යන්න ලංකාවේ පමණක් නොව ජගත් වෘත්තීය සමිති ක්ෂේත්‍රයේත් මානව හිමිකම් සහ නීති ක්ෂේත්‍රයන්හිත් බලවත් අවධානයට ලක් වනු ඇත. තම ඉල්ලීම් බේරුම්කරණයට යොමු කිරීමට පදනමක් නොමැති බවට ආචාර්ය සමිති සම්මේලනයට නීති උපදෙස් ලැබී ඇත. මෙම සම්මේලනයේ නීති උපදේශිකා පේරාදෙණිය විශ්ව විද්‍යාලයේ නීති අධ්‍යයන අංශ ප්‍රධානී ආචාර්ය දීපිකා උඩගම මේ පිළිබඳ පසුගියදා නාවල විවෘත විශ්ව විද්‍යාලයේ ගේට්ටුව අසල මහ මග පැවැත්වීමට එම විශ්ව විද්‍යාලයේ උප කුලපති විජිත නානායක්කාර විසින් බල කරනු ලැබූ පුවත් පත් සාකච්ඡාවේදී මේ පිළිබඳ ජන මාධ්‍ය ඇමතුවාය (බලන්න https://www.youtube.com/user/FUTASRILANKA ). ඒ අනුව ආචාර්ය සමිති සම්මේලනයේ ඉල්ලීම් අනිවාර්ය බේරුම්කරණයට යොමු කළහොත් ඉන් මතුවිය හැකි නීතිමය ගැටලු මෙම කරුණ පිළිබඳ දැනට පවත්නා සාකච්ඡාව ඉහළ තලයකට ගෙන යනු ඇත. Continue reading රාජපක්ෂ රෙජීමයේ ‘අභිමානය සහ අගතිය‘

විශ්ව විද්‍යාල ආචාර්යවරුන්ට එරෙහිව උසස් අධ්‍යාපන අමාත්‍යවරයාගේ වාචික ප‍්‍රහාර

විශ්ව විද්‍යාල ආචාර්යවරුන්ට එරෙහිව උසස් අධ්‍යාපන අමාත්‍යවරයාගේ වාචික ප‍්‍රහාර

බොහෝ රටවල්වල අධ්‍යාපන ක්‍ෂේත‍්‍රය සඳහා ඉහළ අධ්‍යාපනයක් සහිත ආදර්ශමත් ඇමතිවරු පත් කිරීම සාමාන්‍යයෙන් දක්නට ලැබෙන තත්වයයි. කෙසේවෙතත් විශ්වවිද්‍යාල ආචාර්යවරුන්ගේ සමිති සම්මේලනයේ වෘත්තීය සමිති ක‍්‍රියාමාර්ගය අතරතුරදී කිසිදු සැකයකින් තොරව පෙන්නුම් කෙරී ඇත්තේ මේ ගුණාංග කිසිවක් පෙන්නුම් නොකරන ඇමතිවරයෙක් අපට ලැබී ඇති බව පමණක් නොව මෙම ඇමතිවරයා රටේ සමස්ත අධ්‍යාපන ක්‍ෂේත‍්‍රයට යහපතක් වියහැකි ක‍්‍රියාමාර්ග වෙත යොමුවීම ඉතාම තදබල ලෙස නොතකා හරිමින් සිටින බවයි.

අපගේ වෘත්තීය සමිති ක‍්‍රියාමාර්ගයට මාස දෙකක් ගතවී තිබියදීත් ඇමතිවරයා සිය ප‍්‍රකාශ මඟින් පෙන්නුම් කරනු ලැබ ඇත්තේ ඔහු සතුව අපගේ ඉල්ලීම් පිළිබඳව දැනුමක් නොමැති බව හෝ එසේ නොමැති බව ව්‍යාජ ලෙස පෙන්නුම් කරන බවයි.

අපගේ ඉල්ලීම් විශ්ව විද්‍යාල පද්ධතිය සඳහා උසස් මට්ටමේ ආචාර්යවරුන් බඳවා ගැනීමේ හා රඳවා ගැනීමේ හැකියාව ඉහල දැමීම, විශ්ව විද්‍යාලවල ස්වාධීනත්වය ආරක්‍ෂා කිරීම හා නිදහස් අධ්‍යාපන ක‍්‍රමය නඟා සිටුවීම ඉලක්ක කරගත් එ්වා වුවත් ඇමතිවරයා විසින් සිදුකරමින් සිටින්නේ මේ කරුණු සම්බන්ධව ඵලදායි සංවාදයකට එලඹීම නොව මෙවැනි ප‍්‍රසිද්ධ පුද්ගලයෙකුට නොගැලපෙන මට්ටමේ අශිෂ්ට භාෂාවක් පාවිච්චි කරමින් ආචාර්යවරුන්ට එරෙහිව හිතුවක්කාරී හා පදනම් විරහිත චෝදනා එල්ල කිරීමයි.

ඇමතිවරයාගේ මෙම නොහික්මුනු කම ඔහුව සිරගත කිරීමට තරම් සීමාව ඉක්ම ගිය එකක් බව අප හොඳින් දනිමු. මෙවැනි පුද්ගලයෙක් උසස් අධ්‍යාපනය සම්බන්ධව වගකිවයුතු ඇමතිවරයා ලෙස පත්කිරීම මෙන්ම අධ්‍යාපනයට අඩු අරමුදල් ප‍්‍රමානයක් වෙන් කිරීම ද ආණ්ඩුව රටේ අධ්‍යාපනය කෙරේ දක්වන ආකල්පය පෙන්නුම් කරන දේ බව අපගේ අදහසයි.

විශ්වවිද්‍යාල ආචාර්යවරුන්ගේ සමිති සම්මේලනය ඇමතිවරයාගේ මෙම නොහික්මුනු හා ආක‍්‍රමනශීලී හැසිරීමට තදබල ලෙස විරෝධය දක්වන අතර ම අප විසින් මතු කරනු ලැබ ඇති කරුණු සමඟ ඵලදායි සංවාදයකට එළඹෙමින් එම ගැටලූ විසඳීම සඳහා වූ මාවතට පිවිසෙන ලෙස ඇමතිවරයාගෙන් ඉල්ලා සිටී.

ආචාර්ය නිර්මාල් රංජිත් දේවසිරි
සභාපති
විශ්වවිද්‍යාල ආචාර්යවරුන්ගේ සමිති සම්මේලනය

ෆූටා පුරවැසි නාලිකාව

ෆූටා පුරවැසි නාලිකාව

තව බලන්න, මෙහි

FUTASRILANKA

විශ්වවිද්‍යාල ආචාර්ය වරුන්ගේ වෘත්තීය සමිති ක‍්‍රියාමාර්ගය ස්වෙච්ඡා බේරුම්කරණයට යොමුකිරීම

විශ්වවිද්‍යාල ආචාර්ය වරුන්ගේ වෘත්තීය සමිති ක‍්‍රියාමාර්ගය ස්වෙච්ඡා බේරුම්කරණයට යොමුකිරීම

2012 සැප්තැම්බර් 10 වන දින විශ්වවිද්‍යාල ආචාර්යවරුන්ගේ සමිති සම්මේලනය කම්කරු අමාත්‍යාංශයේ රැස්වීමක් සඳහා කැඳවනු ලැබීය. මෙම රැස්වීමේදී වි.වි.ආ.ස.ස.ය හා විශ්ව විද්‍යාල ප‍්‍රතිපාදන කොමිසම අතර ඇතැයි කියන ඊනියා ‘‘කාර්මික ආරවුල’’ බේරුම්කරණ ක‍්‍රියාවලියක් හරහා නිරාකරණය කිරීමට යන බව සඳහන් ලිපියක් වි.වි.ආ.ස.ස.ය වෙත භාරදෙන ලදී. මේ ක‍්‍රියාවලිය සඳහා වි.වි.ආ.ස.ස.ය වෙනුවෙන් බේරුම්කරුවෙකු පිළිබඳව නාම යෝජනාකරන මෙන් මෙම ලිපිය මගින් ඉල්ලා තිබේ.

වි.වි.ආ.ස.ස.යේ ස්ථිරසාර අදහස වන්නේ ඒ මගින් මෙම වෘත්තීය සමිති ක‍්‍රියාමාර්ගය හරහා මතුකරනු ලැබ ඇති කරුණු පදනම් කරගෙන ඇතිවී ඇති තත්වය වි.වි.ආ.ස.ය හා විශ්ව විද්‍යාල ප‍්‍රතිපාදන කොමිසම අතර ‘‘කාර්මික ආරවුලක්’’ ලෙස නම් කරනු ලැබිය නොහැකි බවයි. Continue reading විශ්වවිද්‍යාල ආචාර්ය වරුන්ගේ වෘත්තීය සමිති ක‍්‍රියාමාර්ගය ස්වෙච්ඡා බේරුම්කරණයට යොමුකිරීම

විශ්ව විද්‍යාල ආචාර්යවරුන්ට එරෙහිව උසස් අධ්‍යාපන අමාත්‍යවරයාගේ වාචික ප‍්‍රහාර පිළිබඳ

විශ්ව විද්‍යාල ආචාර්යවරුන්ට එරෙහිව උසස් අධ්‍යාපන අමාත්‍යවරයාගේ වාචික ප‍්‍රහාර පිළිබඳ

බොහෝ රටවල්වල අධ්‍යාපන ක්‍ෂේත‍්‍රය සඳහා ඉහළ අධ්‍යාපනයක් සහිත ආදර්ශමත් ඇමතිවරු පත් කිරීම සාමාන්‍යයෙන් දක්නට ලැබෙන තත්වයයි. කෙසේවෙතත් විශ්වවිද්‍යාල ආචාර්යවරුන්ගේ සමිති සම්මේලනයේ වෘත්තීය සමිති ක‍්‍රියාමාර්ගය අතරතුරදී කිසිදු සැකයකින් තොරව පෙන්නුම් කෙරී ඇත්තේ මේ ගුණාංග කිසිවක් පෙන්නුම් නොකරන ඇමතිවරයෙක් අපට ලැබී ඇති බව පමණක් නොව මෙම ඇමතිවරයා රටේ සමස්ත අධ්‍යාපන ක්‍ෂේත‍්‍රයට යහපතක් වියහැකි ක‍්‍රියාමාර්ග වෙත යොමුවීම ඉතාම තදබල ලෙස නොතකා හරිමින් සිටින බවයි.

අපගේ වෘත්තීය සමිති ක‍්‍රියාමාර්ගයට මාස දෙකක් ගතවී තිබියදීත් ඇමතිවරයා සිය ප‍්‍රකාශ මඟින් පෙන්නුම් කරනු ලැබ ඇත්තේ ඔහු සතුව අපගේ ඉල්ලීම් පිළිබඳව දැනුමක් නොමැති බව හෝ එසේ නොමැති බව ව්‍යාජ ලෙස පෙන්නුම් කරන බවයි.

අපගේ ඉල්ලීම් විශ්ව විද්‍යාල පද්ධතිය සඳහා උසස් මට්ටමේ ආචාර්යවරුන් බඳවා ගැනීමේ හා රඳවා ගැනීමේ හැකියාව ඉහල දැමීම, විශ්ව විද්‍යාලවල ස්වාධීනත්වය ආරක්‍ෂා කිරීම හා නිදහස් අධ්‍යාපන ක‍්‍රමය නඟා සිටුවීම ඉලක්ක කරගත් එ්වා වුවත් ඇමතිවරයා විසින් සිදුකරමින් සිටින්නේ මේ කරුණු සම්බන්ධව ඵලදායි සංවාදයකට එලඹීම නොව මෙවැනි ප‍්‍රසිද්ධ පුද්ගලයෙකුට නොගැලපෙන මට්ටමේ අශිෂ්ට භාෂාවක් පාවිච්චි කරමින් ආචාර්යවරුන්ට එරෙහිව හිතුවක්කාරී හා පදනම් විරහිත චෝදනා එල්ල කිරීමයි.

ඇමතිවරයාගේ මෙම නොහික්මුනු කම ඔහුව සිරගත කිරීමට තරම් සීමාව ඉක්ම ගිය එකක් බව අප හොඳින් දනිමු. මෙවැනි පුද්ගලයෙක් උසස් අධ්‍යාපනය සම්බන්ධව වගකිවයුතු ඇමතිවරයා ලෙස පත්කිරීම මෙන්ම අධ්‍යාපනයට අඩු අරමුදල් ප‍්‍රමානයක් වෙන් කිරීම ද ආණ්ඩුව රටේ අධ්‍යාපනය කෙරේ දක්වන ආකල්පය පෙන්නුම් කරන දේ බව අපගේ අදහසයි.

විශ්වවිද්‍යාල ආචාර්යවරුන්ගේ සමිති සම්මේලනය ඇමතිවරයාගේ මෙම නොහික්මුනු හා ආක‍්‍රමනශීලී හැසිරීමට තදබල ලෙස විරෝධය දක්වන අතර ම අප විසින් මතු කරනු ලැබ ඇති කරුණු සමඟ ඵලදායි සංවාදයකට එළඹෙමින් එම ගැටලූ විසඳීම සඳහා වූ මාවතට පිවිසෙන ලෙස ඇමතිවරයාගෙන් ඉල්ලා සිටී.

ආචාර්ය නිර්මාල් රංජිත් දේවසිරි
සභාපති
විශ්වවිද්‍යාල ආචාර්යවරුන්ගේ සමිති සම්මේලනය

පුනර්ප්‍රකාශනය – 2010 ජනාධිපතිවරණය: ජාතිකවාදයද නැතහොත් ලිබරල්වාදයද? දෙකම!

‘කතිකා‘ අධ්‍යයන කවය 2005 සහ 2010 ජනාධිපතිවරණයන් හිදී ඒ පිළිබඳ අපගේ විශලේෂණය ඉදිරිපත් කළෙමු. අප ඉදිරිපත් කළ එම අදහස් පිළිබඳ අදත් පුරවරයේ මහජන වේදිකාවේ අදහස් දැක්වෙමින් පවතී. එම සාකච්ඡාව ගැඹුරු කරනු වස් දේශපාලනය පිළිබඳ උනන්දුවක් දක්වන ඔබේ අදහස් සඳහා විවෘත කරමින් අපි එම ප්‍රකාශ යලිත් මෙහි පළ කරන්නෙමු. නම් අඬ ගැසීම් සහ පදනම් විරහිත ලේබල් ඇලවීම් සඳහා නොව අදහස් විවේචනය සඳහා මෙම ප්‍රකාශ විවෘත යි.
2010 ජනාධිපතිවරණය: ජාතිකවාදයද නැතහොත් ලිබරල්වාදයද? දෙකම!
– කතිකා අධ්‍යයන කවය

2010 ජනාධිපතිවරණය, ලංකාව එහි අනාගත ගමන් මග සම්බන්ධයෙන් අතිශයින් තීරණාත්මක සන්ධිස්ථානයකට එළඹ ඇති බව සළකුණු කරන්නේය යන්න අපගේ අදහසයි. මේ බව මෙරට මහජනයාද වටහා ගෙන ඇති බව ජනාධිපතිවරණය පිළිබඳ ඔවුන් දක්වන දැඩි උනන්දුවෙන් පෙනී යයි. ලාංකේය මහජනයා ජනාධිපතිවරණයේ ප්‍රධාන දෙපිළ අතර උග්‍ර ලෙස දෙකට බෙදෙමින් සිටිති. ජනාධිපතිවරණයේ ප්‍රධාන දෙපිළ අතර අපට දැකිය හැකි උග්‍ර ගැටුම ජාතිකවාදය සහ ලිබරල්වාදය යන ප්‍රතිවිරුද්ධ ලෙසින් වටහා ගැනෙන කතිකාවන් දෙකත්, ඒ මත ගොඩනැගුණු විශ්වාස පද්ධතීන් සහ ස්ථාපිතවී ඇති ජීවන ආකාරයන් පදනම් කොට ගත්තකි.

මෙම ජනාධිපතිවරණය පැහැදිලිව පෙන්වන කරුණක් නම්, එල්ටීටියේ ත්‍රස්තවාදයට එරෙහි යුද්ධය ජය ගැනීමෙන් මෙරට අධිපති මතවාදය ලෙස ජාතිකවාදය ස්ථාපිත විනැයි ජාතිකවාදීන් තුළ විශ්වාසයක් ඇතිවී නම්, ඊට බරපතළ අභියෝගයක් එල්ලකිරීමට සමත් ලෙසින් ලිබරල්වාදය ලංකාවේ ස්ථාපිත වීඇති බවයි.

ජනාධිපතිවරණයේ ප්‍රධාන දෙපිළෙන් කුමන පිළක් ජයග්‍රහණය කළද, එම පිළ බලය යොදා තම මතවාදී අධිපතිභාවය පසමිතුරු පාර්ශවය මත පිහිටුවීමට යොමුවිය හැකිය. එසේ කළහොත් ඉදිරි කාලයේදී මෙම ගැටුම තවත් උග්‍රවී ලාංකේය සමාජය තුළ දිගු කල් පවත්නා විසංවාදයක් ඇති කිරීමට ඉඩ ඇත. එයින් අප සමාජයේ පවත්නා අධිකාරවාදී ප්‍රවණතා තවත් ශක්තිමත් කිරීමෙන්, එහි ස්ථායීභාවයට බලවත් තර්ජනයක් එල්ල කිරීමේ අනතුරකට අප මුහුණ පෑමට ඉඩ ඇති බව අවධාරණය කරන්නට අප කැමැත්තෙමු.

මේ මොහොතේ ලාංකේය සමාජයේ යහපත පතන්නන්ගේ වගකීම වන්නේ, මෙම අවදානම මගහැරීම සදහා අපගේ සමාජීය පරිකල්පනාව, වත්මන් ජනාධිපතිවරණයේදී තමන් පක්ෂපාතී පිළ දිනවීමට කටයුතු කිරීමෙන් ඔබ්බට යොමු කිරීම බව අපගේ විශ්වාසයයි. පහත, අප ඉදිරිපත් කරන විග්‍රහය ඒ අරමුණින් කෙරෙන්නකි. Continue reading පුනර්ප්‍රකාශනය – 2010 ජනාධිපතිවරණය: ජාතිකවාදයද නැතහොත් ලිබරල්වාදයද? දෙකම!

පුනර්ප්‍රකාශනය – ජනාධිපති මැතිවරණය සහ ඉන් ඔබ්බට: නව-ලිබරල්වාදය, ජාතික චින්තනය සහ පුරවැසිභාවය

‘කතිකා‘ අධ්‍යයන කවය 2005 සහ 2010 ජනාධිපතිවරණයන් හිදී ඒ පිළිබඳ අපගේ විශලේෂණය ඉදිරිපත් කළෙමු. අප ඉදිරිපත් කළ එම අදහස් පිළිබඳ අදත් පුරවරයේ මහජන වේදිකාවේ අදහස් දැක්වෙමින් පවතී. එම සාකච්ඡාව ගැඹුරු කරනු වස් දේශපාලනය පිළිබඳ උනන්දුවක් දක්වන ඔබේ අදහස් සඳහා විවෘත කරමින් අපි එම ප්‍රකාශ යලිත් මෙහි පළ කරන්නෙමු. නම් අඬ ගැසීම් සහ පදනම් විරහිත ලේබල් ඇලවීම් සඳහා නොව අදහස් විවේචනය සඳහා මෙම ප්‍රකාශ විවෘත යි.
ජනාධිපති මැතිවරණය සහ ඉන් ඔබ්බට:
නව-ලිබරල්වාදය, ජාතික චින්තනය සහ පුරවැසිභාවය – අර්ථවිවරණයක්
– කතිකා අධ්‍යයන කවය

2005 ජනාධිපති මැතිවරණය නව-ලිබරල්වාදය සහ ජාතික චින්තනය යන මතවාදයන් දෙක අතර කෙරෙන තීරණාත්මක සටනක් ලෙස, ජාතික ඌරුවක (national ethos) පුනර්ජීවනය අරමුණු කොට නූතන ලිබරල් ඌරුවට එරෙහිව කෙරෙන සටනක් ලෙස අර්ථ විවරණය කරන්නෙමු.

අප ජනාධිපති අපේක්ෂකයන් දෙදෙනා දකින්නේ ප්‍රමුඛ කොටම මෙම මතවාදයන්හී නියෝජිතයන් ලෙසය. ඉන් එක් අයෙකු නව-ලිබරල්වාදය දැඩිව අදහයි. අනෙක් අපේක්ෂකයා මෑත සිදුවීම් පෙළගැසීම තුළ ජාතික චින්තනයේ මතවාදී ව්‍යාපාරය විසින් තම තම නායකයා ලෙස තෝරා ගැනෙන්නේ ඔහු හදින් වඩා සමීප නව-ලිබරල්වාදයට නොව ජාතික චින්තනය නියෝජනය කරන සම්ප්‍රදායට හෙයිනි.

මෙම මතවාදයන් දෙක අන්‍යොන්‍ය වශයෙන් එකිනෙකා බැහැරකොට සළකයි. නව-ලිබරල් වාදය මෙම මැතිවරණයේදී යෝජනා කරන්නේ ලිබරල් ප්‍රජාතන්ත්‍රවාදය සහ වෙළඳපොල ආර්ථිකය අප සමාජයේ පදනම් ප්‍රතිපත්ති රාමුව ලෙස ස්ථාපිත කරන්නටය. ජාතික චින්තනය, ලංකාව බටහිර අධිරාජ්‍යයවාදයේ ග්‍රහණයෙන් මුදවා, ජාතික චින්තනයක් මත පදනම් වූ රජයත් වෙළඳපොලත් දෙක බද්ධ කරන ජාතික ආර්ථිකයක් ගොඩනඟන්නට යෝජනා කරයි. Continue reading පුනර්ප්‍රකාශනය – ජනාධිපති මැතිවරණය සහ ඉන් ඔබ්බට: නව-ලිබරල්වාදය, ජාතික චින්තනය සහ පුරවැසිභාවය