ජනාධිපතිවරණයට පෙර සහ පසු: නිදහසේ නාදය මියුරුතම ය – කුමුදු කුසුම් කුමාර

කොළඹ ජනයා වීදි වලට බැස මෛත්‍රීගේ ජය සැමරූ අයුරු
කොළඹ ජනයා වීදි වලට බැස මෛත්‍රීගේ ජය සැමරූ අයුරු
2015 ජනවාරි 8 වැනිදා රැය පහන් වී 9 වැනිදා හිමිදරිය එළඹෙද්දී ‘අපට යලි නිදහස ලැබුණි’ යන හැඟීමෙන් අප සිත ඉපිල ගියේය. “අන්තිමේදී දැන් අපට මේ රට තුළ අනාගතයක් ගැන සිතිය හැකිය” යි මා තරුණ පුතු කීයේ “මා අඬන්නට කිට්ටු යි” ද කියමිනි. ඒ වන තුරු ඔහු සිටියේ ‘මේ නිදහසක් නැති රට හැර දා යුතුය’ යන සිතිවිල්ලේය. ‘අපි අපේ දරුවන්ට නිදහස් රටක් නැවත ලබා දුන්නෙමු’ යනුවෙන් ඇතිවූ ගර්වය ‘මර්ධනයේ බියෙන් නිදහස් වුණෙමු’ යි ඇති වූ දැඩි සහනයත්, අන්තිමේදී ඒකාධිපති නැඹුරුව පරදා පුරවැසි දේශපාලනය ජයගත්තේය යන උද්දාමයත් සමග එක්ව ඇති වූ සතුටින් මටද වාවා ගත නොහැකිව ඉකි ගසා හැඬුණු බව කියන්නට මම නොපැකිළෙමි. නිදහසේ නාදය එතරම්ම මියුරුතමය . නිදහස පිළිබඳ හැඟීම මා හදට මෙතරම් සමීප 1977 ට පෙර මෙරට තිබූ දේශපාලන නිදහස භුක්ති විඳිමින් යොවුන් වියට පත්ව ලංකාවේ පළමු රාජ්‍ය විරෝධී කැරැල්ල ගැසූ පරපුරේ ලාබාලයෙකු ලෙස 77න් පසු ප්‍රජාතන්ත්‍රවාදයත් නිදහසත් අහිමි වීමේ ඛේදවාචකය මැනවින් අත් විඳි අයෙකු වන හෙයින් යැයි සිතමි.
ජනවාරි 8 දා රැය නිදි නැතිව අප ගෙවූයේ බලාපොරොත්තුවත් උකටලි බවත් එකට කැටි ‍කො‍ට ගත් හැඟීම් අතර සිර වී ගෙනය. බලාපොරොත්තුව පොදු අපේක්ෂක මෛත්‍රීපාල සිරිසේන ජයග්‍රහණය කරනු ඇතැයි යන විශ්වාසය නිසාය. උකටලි බව මහින්ද රාජපක්ෂ‍ගේ රජය තමන් මැතිවරණයෙන් පරාජය වුවද බලය අත් නොහැර දැඩි මර්ධනයක් දියත් කරනු ඇතැයි තිබූ බලවත් බිය නිසාය. මෛත්‍රී දිනන බවට තොරතුරු අටවැනිදා රැය ගෙවී යත්ම දිගින් දිගටම රූපවාහිනිය පරදා අන්තර්ජාලය හරහා ලැබෙමින් තිබුණි. ඡන්ද ප්‍රථිඵලය හමුදාව යොදා මංකොල්ල කන්නට උත්සාහයක් ඇති බව කොළඹ ඩීඇස් සේනානායක ඡන්ද මධ්‍යස්ථානයෙන් වාර්තා වීම දැඩි කම්පාවක් ගෙන දුන් නමුත් මැතිවරණ කොමසාරිස් මහින්ද දේශප්‍රිය සහ සෙසු ජනයාගේ මැදිහත් වීමෙන් උත්සාහය ව්‍යර්ථ කළ බව දැන ගන්නට ලැබීම සහනයක් වීය. ඉන් පසුව ඇති වූ බිය වූයේ මෛත්‍රී ඡන්දයෙන් ඉහළින් දිනා ඇති බව සැඟවීමට රෙජිමයට ඉ‍ඩ නොසැළසුණු නමුත් ඡන්ද ප්‍රථිඵලය අවලංගු කොට හමුදා බලය යටතේ රෙජිමය තම පාලනය දිග්ගස්සා ගනු ඇතිද යන්නයි.

මෙලෙස බියක් ඇති වීමට හේතු මැතිවරණ කාලය තුළ මොනවට ප්‍රකාශ වී තිබුණි. Continue reading ජනාධිපතිවරණයට පෙර සහ පසු: නිදහසේ නාදය මියුරුතම ය – කුමුදු කුසුම් කුමාර

රට බෙදීමේ තර්ජනය ජය ගත හැකි දේශපාලන මැද පිළිවෙත ගොඩ නැඟීම – කුමුදු කුසුම් කුමාර

ජනාධිපතිවරණ සටනේ ජනාධිපති මහින්ද රාජපක්ෂ ගේ ප්‍රතිපත්ති මාලාවේ ප්‍රමුඛතම කරුණ ත් එම කඳවුරේ අවසාන ප්‍රචාරක තුරුම්පුවත් වන්නේ ජාතික ආරක්ෂාව යි. මෛත්‍රීපාල සිරිසේන ට බලය දුන හොත් ඇමෙරිකානු අධිරාජ්‍යවාදී කුමන්ත්‍රණයක් මගින් විදෙස්ගත එල්ටීටීඊ කණ්ඩායම් වල සහායෙන් ලංකාව දෙකට බෙදා රට අස්ථාවර කෙරෙනු ඇතැයි මොවුහු කියති.

මේ පිළිබඳ මාධ්‍ය විවාද වලදී මහින්ද කඳවුරේ ප්‍රධාන කථිකයා බවට පත්ව සිටියේ ආචාර්ය දයාන් ජයතිලක ය. මෛත්‍රීපාල බලයට පත් කළ හොත් රට බෙදනු ඇතැයි කියන විචාරකයන්ට දයාන් ජයතිලක ගෙන් කරුණු උපුටා දක්වමින් පිළිතුරක් ඉදිරිපත් කිරීමට කැමැත්තෙමි.

ඇමරිකාව මුල් වන වි‍දේශ බලපෑමක් ලංකාවට එල්ල වීමට ප්‍රධාන හේතුවක් ලෙස දයාන් ජයතිලක පෙන්වා දී ඇත්තේ ලංකාව රාජ්‍ය ආරක්ෂාව සම්බන්ධයෙන් අනුගමනය කරන ඊස්රායෙල් මොඩලය නොහොත් ආකෘතිය යි. 2014 ජූලි මස ‘ලංකාව ඊස්රායෙල් උගුල් වලට ගොදුරක් වී ඇත’ යැයි මැයෙන් ලියූ ලිපියක ඔහු කියා සිටියේ මෙය අන්තවාදී දෙමළ බලවේගවල නැගීමට සහ බටහිර බලවේග වලට ලංකාවේ යුද ජයග්‍රහණය ට යටින් වල කැපීමට ඉඩ සලසා ඇති බවයි. යුද්ධයෙන් පසු සමයේ ලංකාවේ ක්‍රියාවට නැංවූයේ පලස්තීනය සම්බන්ධයෙන් ඊස්රායෙලය අනුගමනය කරන ආකෘතිය බවත් ඩයස්පෝරාවේ සහ තමිල් නාඩුවේ දෙමළ ඊලාම් අන්තවාදී බලවේග යලිත් වරක් අවුළුවාලන්නේ මෙම මෙම කරුණ බවත් දයාන් ජයතිලක කියා සිටියේය. ලංකාවේ ආරක්ෂක සහ විදේශ කටයුතු පිළිබඳ අමාත්‍යංශ අනුගමනය කරන වැඩ පිළිවෙල මේ අනුව සකස් වී තිබේ. ඊස්රාය‍ලය යටත් කර ගත් පලස්තීන ප්‍රදේශ පාලනය කිරීමේ කර්කශ බලපෑම ලංකාවේ දේශීය ප්‍රතිපත්ති වල පිළිබිඹු වන බව ඔහුගේ තර්කය වීය. මේ එළඹුම දිවයිනේ උතුරේ දෙමළ බහුතරය සමග පශ්චාත් යුද සංහිඳියාව, ලංකාව රාජ්‍ය තාන්ත්‍රික ව හුදකලා වී ගෝලීය වේදිකාවේ එය වට කොට තිබීම, බොදු බල සේනා වැනි මුස්ලිම් විරෝධී කොටස් රටේ රළ නැගීම යනාදියේ ස්වරූපයෙන් මනාව පිළිබිඹු වන බව ඔහු කියා සිටියේය.

වත්මන් රජය උතුරේ දෙමළ ජනයා සම්බන්ධයෙන් පමණක් නොව දකුණේ ජනයා සම්බන්ධයෙන් ද තවමත් අනුගමනය කරමින් සිටින්‍නේ ඉහත ඊස්රායෙල් මොඩලය බව ජනතාවගේ ප්‍රජාතන්තීය අයිතීන් මර්ධනයට සහ ඔවුන් බියවැද්දීමට රජයේ බුද්ධි අංශ සහ හමුදා යොදා ගන්නා ආකාරයෙන් ඉතා පැහැදිළිය. මෛත්‍රීපාල සිරිසේන ගේ රජය මෙබඳු මර්ධනකාරී පිළිවෙත් අනුගමනය නොකොට සංහිඳියාව මුල් කොට ගත් ජනතා හිතවාදී පිළිවෙතක් අනුගමනය කරනු ඇති බව ඔහු ගේ දේශපාලන ව්‍යාපාරයේ සංයුතියෙන් සහ ඔහුගේ ප්‍රතිපත්ති මාලාවෙන් පැහැදිළි වෙයි. Continue reading රට බෙදීමේ තර්ජනය ජය ගත හැකි දේශපාලන මැද පිළිවෙත ගොඩ නැඟීම – කුමුදු කුසුම් කුමාර

An Appeal to the Next President of Sri Lanka by Women Affected by War

We, women directly impacted by war and working on issues of truth and justice, believe that the dawn of the new year in Sri Lanka provides an opening to address several urgent issues. The Presidential Election on 8 January 2015 presents an opportunity to the people of Sri Lanka to decide its future, with the two main contenders being President Mahinda Rajapaksa and Maithripala Sirisena. Since the announcement of elections and campaigning in late 2014, we have observed the promises and pledges by all candidates and hoped there would be recognition of the issues faced by women affected by the war and post war conditions in Sri Lanka. We write this appeal as women who face daily challenges in Sri Lanka and as women from across the globe who have faced similar situations in the search for truth, justice and accountability.

More than five years after the end of the war, women across Sri Lanka face numerous challenges in rebuilding their lives. Throughout the war, women all over Sri Lanka called for answers to the whereabouts of their missing loved ones and justice for the wrongs that occurred. This continues in the post war context. The most recent Presidential Commission appointed by President Rajapaksa commenced in 2013 as an investigation into the overwhelming numbers of enforced or involuntary disappearances, but was converted into one looking at a broad range of violations of human rights and international humanitarian law, a move that raised questions as to whether the present government is genuinely interested in revealing the fate of the tens of thousands missing. Although around 20,000 complaints were received, the Commission so far has moved at a snail’s pace. Serious issues have been raised regards its independence. Observations of its public proceedings also beg the question whether the commission is in actual fact interested and able to meet its mandate and whether this commission like the successive commissions before it is yet another tactic by the state to delay and subvert the call for truth and justice. Continue reading An Appeal to the Next President of Sri Lanka by Women Affected by War

2015 ஜனாதிபதி தேர்தலும், தமிழ் வாக்காளரும் சிவமோகன் சுமதி

z-p17-Faceless-01Presidential Election and the Tamil Voter
Sivamohan Sumathy

2015 ஜனாதிபதி தேர்தலும், தமிழ் வாக்காளரும்
சிவமோகன் சுமதி

ஆங்கிலத் துறை பேராதனை பல்கலைக் கழகம்

இந்த ஜனாதிபதித் தேர்தல் எந்த வகையில் முக்கியமானது? ஜனநாயகம் நிலை நிறுத்தப்பட வேண்டும் என்ற கோரிக்கையும்ää அரசாங்கத்தின் தான் தோன்றித்தனமான செயற்பாடுகள் முடிவுக்குக் கொண்டுவரப்பட வேண்டும் என்ற கோஷங்களும் இந்த முறை இடம்பெற உள்ள ஜனாதிபதித் தேர்தலினை முக்கியத்துவம் மிக்கதாக மாற்றியுள்ளன. சிறுபான்மைச் சமூகங்களினையுந்தினையும்ää முக்கியமாக சிறுபான்மைச் சமூகங்களினைச் சேர்ந்த வாக்காளரினையும் மீண்டும் ஒரு முறை அரசு தொடர்பான அரசியல் முயற்சி ஒன்றில் பங்குபற்றுவதற்கான வெளி ஒன்றினை இந்தத் தேர்தல் ஏற்படுத்திக்கொடுத்துள்ளது.

இந்த கட்டுரை ஜனாதிபதித் தேர்தல் தொடர்பான தமிழ் அரசியல் பற்றியும், அரசியல் தலைமைத்துவம் பற்றியும் வடக்கு கிழக்கினைச் சேர்ந்த தமிழ் வாக்காளர் பற்றியதாகவும்ää அதிலும் குறிப்பாக வட மாகாணத்தினைச் சேர்ந்த தமிழ் வாக்காளர் பற்றியதாகவும் இருக்கும். எனது கட்டுரை மலையகத் தமிழ் வாக்காளர் பற்றியதாகவோ தென்னிலங்கையில் பாரம்பரியமாக வாழும் தமிழ் வாக்காளர் பற்றியோ பேசமாட்டாது என்பதனைக் குறிப்பிட விரும்புகிறேன். 2015ஆம் ஆண்டு இடம்பெறவுள்ள ஜனாதிபதித் தேர்தலின் பின்புலத்தில் அந்தத் தேர்தலினை ஒட்டி எழுந்துள்ள சில சாத்தியக்கூறுகள் பற்றி சில பதிவுகளை நான் இங்கு மேற்கொள்கிறேன். நான் இங்கு பிரத்தியேகமாக வடக்கினைச் சேர்ந்த வாக்காளரைக் குறித்து எழுதுகிறேன். கிழக்கினைச் சேர்ந்த தமிழ் வேட்பாளரினைக் காட்டிலும் வடக்கிலே உள்ள தமிழ் வேட்பாளரின் சமூகத் தளம், அவரது கோரிக்கைகள், அரசியல் இலக்குகள் குறித்து நான் கூடுதலாக பரிச்சயமாயிருப்பதால் இந்த கட்டுரையில் என்னுடைய கவனம் வட பகுதி வேட்பாளர் குறித்ததாக இருக்கிறது. Continue reading 2015 ஜனாதிபதி தேர்தலும், தமிழ் வாக்காளரும் சிவமோகன் சுமதி

වෙනසක් සඳහා ඡන්දය දිය යුත්තේ ඇයි? සාධාරණ සමාජයක් සඳහා විශ්වවිද්‍යාල ආචාර්යවරුන්ගේ සංගමය


වත්මන් ජනාධිපති තව දුරටත් බලයේ තියාගතයුතුයැයි කියන පිරිස් ඒ සඳහා ඉදිරිපත් කරන තර්ක දෙස මුළින්ම තරමක් අවධානය යොමුකර බලමු. මේ සඳහා මෙවැනි පිරිස් ඉදිරිපත්කරන ඊනියා තර්ක කීපයක් දැකිය හැකිය.

ඒ මෙසේය:

1 වෙනි මිත්‍යාව : ජනාධිපතිතුමාට කළ ගුණ දැක්වීම සඳහා:
මෙය අතිශයින්ම අමනෝඥ තර්කයකි. රාජ්‍ය පාලනයේ ඉහළ තනතුරු සඳහා පුද්ගලයින් පත්කරනු ලබන්නේ ‘කෘතගුණ දැක්වීම’ සඳහා නොවේ. මහජනයාට තම පොදු අවශ්‍යතා ඉහළ මට්ටමින් සහ කාර්යක්ෂම ලෙස ඉෂ්ට කරවා ගැනීම සඳහාය. ජනාධිපතිතුමා යුද්ධය අවසන් කිරීම මගින් ලංකාවේ ජනයාට සේවයක් කළා නම් සහ එයට කෘතගුණ දැකවිය යුතු යැයි මහජනයා සිතන්නේ නම් ඒ සඳහා වෙනත් ක‍්‍රම සොයාගත යුතුය. ඒ සඳහා ඇති ක‍්‍රමය වන්නේ එතුමාට සහ එතුමාගේ පවුල් කණ්ඩායමට යාවජීව ලෙස රට භාරදීම නොවේ.

අනෙක් අතට ජනාධිපතිවරයා වෙනුවෙන් මෙරට මහජන මුදලින් අති විශාල ප‍්‍රමාණයක් වැය කෙරෙන අතර ඒ මුදලින් ජනාධිපතිවරයාත් ඔහුගේ පවුලේ සාමාජිකයින් සහ හිතමිත‍්‍රාදීන් අධි සුඛෝපභෝගී ජීවිත ගත කරනු ලබයි. මේ නිසා ජනාධිපතිවරයාට ‘යුද්ධය අවසන් කිරීම වෙනුවෙන’ කෘතගුණ දැක්විය යුතුනම් මේ වනවිට මෙරට ජනයා ඒ සඳහා සෑහෙන්න කෘතගුණ දක්වා ඇත. තවදුරටත් ‘කෘත ගුණ දැක්වීම සඳහා’ රාජපක්ෂවරුන්නේ පවුලට ලංකාවේ රාජ්‍යය බලය යාවජීව ලෙස පවරා දිය යුතුය යන්න මුග්ධ පමණක් නොව අතිශය භයානක තර්කයකි.

2 වෙනි මිත්‍යාව: ජාත්‍යන්තර කුමන්ත‍්‍රණ මැඩ පැවැත්වීම සඳහා:
මෙරටට විරුද්ධව බරපතල ජාත්‍යන්තර කුමන්ත‍්‍රණයක් තිබෙන බවත්, එම ජාත්‍යන්තර කුමන්ත‍්‍රණයෙන් මෙරට බේරා ගැනීම සඳහා ජනාධිපතිතුමාට නැවතත් බලය දිය යුතුයැයි කියති.

මෙරටට විරුද්ධව ඇත්ත වශයෙන්ම ජාත්‍යන්තර කුමන්ත‍්‍රණයක් පවතී නම් එම කුමන්ත‍්‍රණය පරාජය කිරීමට ඇති පහසුම මාවත වන්නේ දැනට ජාත්‍යන්තර වශයෙන් අපකීර්තියට සහ ගර්හාවට ලක්වී ඇති තත්වයෙන් ලංකාව ගලවා ගැනීමයි. රටේ ජාත්‍යන්තර ප‍්‍රතිරූපය ඉහළ නංවා රටට කීර්තියක් ගෙන ඒමේ කාර්යය ඉටුකළ යුතු මෙරට විදේශ සේවාව මුළුමනින්ම රස්්තියාදුකාර රංචුවකට භාර දී ඇති වර්තමාන පාලකයින්ට ඒ කාර්යය කිරීමට කිසිසේත් හැකියාවක් නැත.

එපමණක් නොව ජාත්‍යන්තර වශයෙන් කිසිවෙකු මෙරටට මැදිහත් වන්නේ නම් එසේ කරනු ලබන්නේ මෙරට ඇති විවිධ ප‍්‍රජාතන්ත‍්‍රවිරෝධී තත්වයන් උපයෝගී කරගෙනයි. පසුගිය කාලයේ ඇමරිකාව විසින් කරනු ලැබී මැදිහත්වීම් වලින් මේ තත්වය පැහැදිළි වේ. සිරියාව, ලිබියාව, ඉරාකය වැනි රටවල් වල ඇමරිකන් මැදිහත්වීම් වලට මං පෑදුවේ ඒ රටවල අභ්‍යන්තරව පැවැති දූෂිත ප‍්‍රජාතන්ත‍්‍රවිරෝධී පාලන තන්ත‍්‍රයන්ය. මේ නිසා මේ කියන ජාත්‍යන්තර කුමන්ත‍්‍රණය පරාජය කිරීමට අවශ්‍ය නම් කොහොමටත් මෙරට කෙරෙහි ඇතිවී ඇති ජාත්‍යන්තර අපකීර්තිය නැතිකර දැමීම අවශ්‍ය වේ.

3 වෙනි මිත්‍යාව: සංවර්ධන ක‍්‍රියාදාමය ඉදිරියට ගෙනයාම සඳහා:

මේ සංවර්ධන කයිවාරුවේ සැබෑව මේ වනවිට හොඳින්ම පැහැදිළි වී ඇත. අද සංවර්ධනය නාමයෙන් සිද්ධ වන්නේ සමාජයට දිගුකාලීන වශයෙන් ප‍්‍රයෝජනවත් වන්නා වූ ක‍්‍රියාදාමයක් නොව අනාගත පරම්පරා ගණනාවක් උගසට තබා අතිවිශාල ණය කන්දක් මත සිදුකරන අතීශය දූෂිත සහ නිෂ්ඵල ව්‍යාපෘති පැටව් ගැසීම පමණි. මෙම ව්‍යාපෘති විසින් ඉඩකඩ ලබා දී ඇත්තේ පාලක කල්ලිය වටා රොද බැඳ සිටින පිරිස්වලට මහජන මුදල් සිතු මතේ ගසා කෑමට අවස්ථාව දීම පමණි.

මේ ඊනියා සංවර්ධනයේ ප‍්‍රතිඵලයක් ලෙස වර්තමානය වන විට සමාජයේ ඇති නැති පරතරය අති විශාල වශයෙන් පුළුල් වී ඇත. මේ ඊනියා සංවර්ධනයේ ප‍්‍රතිඵල කිසිවක් විශේෂයෙන්ම ග‍්‍රාමීය ප‍්‍රදේශවල ජනයාගේ ජන ජීවිතය සැබෑ ලෙස වැඩි දියුණු කිරීමට හේතු වී ඇත. කොළඹ නගරයේ අලංකාර උයන්වතු ඉඳිවෙද්දී ඈත ගම් දනව්වල ජනයා වන අලි ප‍්‍රහාර වලින් මිය යන්නේත්, කොළඹ නගරයේ ඉහළ මධ්‍යම පංතිකයින්ට ව්‍යායාම කිරීම සඳහා අධික වියදම් සහිත මංතීරු ඉඳි කරන්දී රජරට ප‍්‍රදේශවල ජනයා වකුගඩු රෝගයෙන් මියයන්නේත් එබැවිණි.

Continue reading වෙනසක් සඳහා ඡන්දය දිය යුත්තේ ඇයි? සාධාරණ සමාජයක් සඳහා විශ්වවිද්‍යාල ආචාර්යවරුන්ගේ සංගමය

අනාගත පරම්පරාවල නාමයෙන් අපි තීරණාත්මක ලෙස වෙනසකට ක‍්‍රියාකාරී වෙමු

ad 1

2015 ජනාධිපතිවරණය පිළිබඳව පේරාදෙණිය, කොළඹ, රුහුණ, කැලණිය, විවෘත විශ්වවිද්‍යාලය, ශ‍්‍රී ජයවර්ධනපුර, මොරටුව, පේරාදෙණිය, සබරගමුව, නැගෙනහිර, යාපනය, වයඹ, සෞන්දර්ය කලා යන විශ්වවිද්‍යාලයන්හි ආචාර්යවරුන් විසින් ඉදිරිපත් කෙරෙන ප‍්‍රකාශය

2015 ජනාධිපතිවරණය ප‍්‍රකාශයට පත් කරනු ලැබ ඇත. ඒ නිසා ජනවාරි 08 වැනි දා මැතිවරණයේ දී අප සියලූ දෙනාට මෙරට පුරවැසියන් ලෙස අපගේ ඡුන්දය භාවිත කිරීමට සිදුවනු ඇත. ගැඹුරින් කරුණු සලකා බලා අප එළඹගත් නිගමනය වන්නේ අපේ රට අද වන විට අනාගත පරම්පරා කෙරෙහි තීරණාත්මක බලපෑම් ඇති කරන්නා වූ ඓතිහාසිකව වැදගත් සන්ධිස්ථානයකට එළඹ ඇති බව ය. අප අපේක්ෂා කරන සියලූ වෙනස්කම් එක් රැුයකින් හෝ හුදෙක් ආණ්ඩු මාරුවකින් දිනාගත හැකියයි විශ්වාස නොකරන අපි මෙම එළඹෙන ජනාධිපතිවරණය ප‍්‍රජාතන්ත‍්‍රවාදය, නීතියේ පාලනය යහපාලනය සහ සමාජ සාධාරණය සම්බන්ධ ගැටලූ ආමන්ත‍්‍රණයට කුඩා අවකාශයක් උදා කර ඇතැයි සිතමු.

පසුගිය දශකය තුළ නීතියේ පාලනය , ප‍්‍රජාතන්ත‍්‍රවාදය සහ යහපාලනය පිළිබඳ ප‍්‍රමිති සහ ප‍්‍රතිමානවල බිඳ වැටීමක් සිදු වූ බවත් දේශපාලන බලය සහ ආර්ථික බලය ඉතා කුඩා කණ්ඩායමක් අත සංකේන්ද්‍රණය වූ බවත් අපි දැඩි අවධානයෙන් යුතුව නිරීක්ෂණය කරමු.

මේ තත්වය පහත ආකාරයට ඒ ඒ ක්ෂේත‍්‍රවල දැකගත හැකි විය:

* අධිකරණ ක්ෂේත‍්‍රය සම්පූර්ණයෙන් ම පාහේ දේශපාලණීකරණය වීම
* පොලීසිය දේශපාලනික වශයෙන් පාලනය කිරීම,
* ජනමාධ්‍යවේදීන්ට තර්ජනය කිරීම සහ නිදහස් මාධ්‍ය මර්දනය කිරීම
* පාලක ප‍්‍රභූ පිරිස අත සංකේන්ද්‍රණය වී ඇති රාජ්‍ය ආයතන සහ සේවාවල බිඳවැටීම.
* දුර්වල පාලනය, හැකිලූණු ශාස්තී‍්‍රය ස්වාධීනත්වය සහ අත්‍යවශ්‍ය ප‍්‍රතිපාදන නොමැතිකම නිසා ක‍්‍රියාකාරීව පැවතීම දුෂ්කරවන පරිදි විශ්වවිද්‍යාල දේශපාලනීකරණය කිරීම.
* ධනවතුන් සහ දුප්පතුන් අතර පරතරය වැඩිවීම.
* ජනවාර්ගික, ආගමික සහ සංස්කෘතික විවිධත්වය නොඉවසීම වර්ධනයවීම.
* ආර්ථික ව්‍යාපෘති හා සම්බන්ධ නාස්තිය සහ දේශපාලනීකරණය වූ ව්‍යාපාර මාෆියාවක් නිර්මාණය කිරීම.
* මැතිවරණ නීතී උල්ලංඝනය කිරීම

ඉහත සඳහන් කාරණා පමණක් නොව රටේ අනාගතය ද සුපරික්ෂාකාරීව සලකා බලමින් එළඹෙන මැතිවරණයේ දී තම පුරවැසි වගකීම ඉටු කරන ලෙසට අපි අපගේ සහෝදර පුරවැසියන් පොළඹවන්නට කැමැත්තෙමු. Continue reading අනාගත පරම්පරාවල නාමයෙන් අපි තීරණාත්මක ලෙස වෙනසකට ක‍්‍රියාකාරී වෙමු

සුවිශේෂ සටනක් – ආචාර්ය සුමති සිවමෝහන්

ආචාර්ය සුමති සිවමෝහන්
පේරාදෙණිය විශ්වවිද්‍යාලය

ඉදිරියේ එන ජනපතිවරණයේ සුවිශේෂත්වය නම් ප‍්‍රජාතන්ත‍්‍රවාදය සඳහා වූ උද්ඝෝෂණය මහෝඝයක් බවට පත්ව තිබීමත් භීෂණය හා අසාධාරණය අවසන් කිරීම සඳහා වන වුවමනාව උච්ඡස්ථානයනට පත්ව තිබීමත්ය.

අද ප‍්‍රජාතන්ත‍්‍රවාදය රැක ගැනීම උදෙසා දෝංකාර නංවන මහා හඬක් නැගෙමින් තිබේ. කිසිවකුටත් බලයෙන් වියරුව හිතුවක්කාර ලෙස කටයුතු කළ නොහැකි බවටත් එබඳු ප‍්‍රයත්නයන්ට එරෙහිව හාත්පසින්ම විරෝධයක් නැගෙන බවටත් පාලකයන් වෙත ඉතා පැහැදිලි පණිවිඩයක් නිකුත් වී ඇත. එමෙන්ම ප‍්‍රජාතන්ත‍්‍රවාදය සඳහා අවකාශය වඩා පුළුල් වී ඇත. ජනතාවෝ සිය අපේක්ෂාවන් ඉදිරිපත් කරමින් විවෘතව කතා කරති. විවෘතව ක‍්‍රියා කරති.
මගේ අදහස අනුව ප‍්‍රජාතන්ත‍්‍රවාදය යනු හුදෙක් පුද්ගලයෙකු ලෙස අදහස් ප‍්‍රකාශ කිරීම හෝ ක‍්‍රියා කිරීම පමණක් නොවේ. ප‍්‍රජාතන්ත‍්‍රවාදය සමාජ හා සංස්කෘතික චර්යාවන් සමග අනුල්ලංඝනීය ලෙස බද්ධ වූවකි. ණය බරින් පරිපීඩිතව සිටින ගොවීන් විෂයෙහි මෙන්ම අවතැන් වී සිටින්නවුන් විෂයෙහි ද ප‍්‍රජාතන්ත‍්‍රවාදය ක‍්‍රියාත්මක විය යුතුව තිබේ. ඔවුන්ගේ ජීවිත යුද්ධයෙන් විනාශ වී ඇත.

වැඩකරන ජනතාවට යහපත් ජීවන තත්වයක් ලබා දිය යුතුය. අනාගතය පිළිබඳ කිසිදු බලාපොරොත්තුවක් නොමැතිව අසරණව සිටින වතුකරයේ ජනතාවට සාධාරණය ඉටු විය යුතුය. විදේශ රැකියාවල නියුක්තව සිටින්නවුන්ගේ ජීවිත අර්බුදයකය. සුලූතර ජන කණ්ඩායම් නොසලකා හරිනු ලැබ දෙවන පංතියේ පුරවැසියන් පිරිසක් බවට පත්ව ඇත. කාන්තාවෝ රජයේ මෙන්ම ප‍්‍රජාවගේ ද පීඩාවට භාජනය වී සිරකරුවන්ගේ තත්වයට පත්ව ඇත. සුලූ පරිමාණ ව්‍යාපාරිකයින් සුපිරි ව්‍යාපාරිකයින්ට බිලි දී ඔවුන්ගේ ගොදුරක් බවට පත්කරනු ලැබ ඇත.

කලාකරුවන්ගේ, මාධ්‍යවේදීන්ගේ, ගුරුවරුන්ගේ හා ශාස්ත‍්‍රඥයන්ගේ නිදහස මෙන්ම යහපත් සංස්කෘතික පරිසරයක් සඳහා ඇති අවකාශය හැකිලෙමින් පවතී. මේ ආකාරයට නොසලකා හරිනු ලැබ ඇත්තවුන්ගේ ප‍්‍රමාණය ශීඝ‍්‍රයෙන් ඉහළ යමින් පවතී.

2015 ජනපතිවරණය මේ සියල්ලන් තුළ නව අපේක්ෂාවන් දල්වා ඇත. අවකාශය දැනටම විවෘත වී ඇති අතර එය තව දුරටත් විවෘත කොට තහවුරු කොට ගත යුතුව ඇත.. මේ ජනපතිවරණයෙන් ප‍්‍රජාතන්ත‍්‍රවාදය සඳහා වූ ගමන අවසාන නොවේ. විශ්වවිද්‍යාලවල සිටින අප ඇතුළු අනෙකුත් සියලූ දෙන නිදහස් අධ්‍යාපනය රැක ගැනීමට හා අධ්‍යාපනය අර්ථවත් කිරීම සඳහා සටන් කරන අතර සියලූ ප‍්‍රජාතන්ත‍්‍රවාදී කොටස් මෙම අවකාශය වඩාත් පුළුල් කොට ගැනීම සඳහා ක‍්‍රියාත්මක විය යුතුය. ජනතාවට නැගී සිටීමට හා සටන් සඳහා වේදිකාවක් සපයා ගැනීම සඳහා විධාකාර වූ උද්ඝෝෂණයන් අවශ්‍ය වේ.

2015 ජනවාරි 04 වන ඉරිදා
ඉදිරිය පුවත් පතෙනි.

මග හොඳට තිබේ නම් යන්ට පාරත් පෙනේ නම්…. – ආචාර්ය මයිකල් ප්‍රනාන්දු

මෛත්‍රීපාල සිරිසේන
මෛත්‍රීපාල සිරිසේන
කලක් තිස්සේ ව්‍යාකූලව තිබූ තත්වයන් ඉතා ඉක්මනින් නිරවුල් වෙමින් පවතී. රජය හැම ක‍්‍රියාවක්ම සිදු කරන්නේ මෙරටේ මහජනතාව මෝඩ රැළක් සේ සලකමිනි. දූෂණය, භීෂණය මෙන්ම අවනීතිය හා අසාධාරණය ද වසා ගැනීමට යොදා ගන් ලබන්නේ රැවටිලි වදන්ය, රැවටිලි ක‍්‍රියාවන්ය. රජයේ නායකයින්ගේ ක‍්‍රියාවලින් පිළිබිඹු වන්නේ වංචාව, හිරිඔතප් නැති බව මෙන්ම පාදඩ බවයි. වෙනත් අයගේ ත‍්‍රස්තවාදයට රජයේ පිළිතුර ඊටත් වඩා දරුණු ත‍්‍රස්තවාදයයි. අධිරාජ්‍යවාදීන්ගේ කුමන්ත‍්‍රණ පිළිබඳව කතා කරමින් සිදු කරන්නේ අධිරාජ්‍යවාදීන්ගේ වුවමනාවන් අනුව කටයුතු කිරීමයි. මේ සියල්ල හළිදරව් වන විට දැන් අලූත් සින්දුවක් පටන් ගෙන තිබේ.

ජාතික ආරක්ෂාව හා ස්ථාවරත්වය රැකීම සඳහා අධිකාරීවාදි ඒකාධිපතියෙකු අවශ්‍ය බව දැන් එළි පිටම පවසනු ලැබේ. කුලියට ගත් කලාකරුවන් හා බුද්ධිිමතුන් යනුවෙන් හඳුන්වනු ලබන ගැත්තන් ලවා ඒ සඳහා න්‍යායන් ද ඉදිරිපත් කරවනු ලැබේ. මේ සියල්ලෙන් පැහැදිලි වන්නේ වර්තමාන විධායක ජනාධිපතිවරයා ඒකාධිපතියෙකු බව ඔවුන්ම පිළිගන්නා අතර එම ඒකාධිපතිභාවයෙන් අල්පයක් වත් අත්හැරීමට ඔවුන් සූදානම් නැති බවය. එහෙත් මෙරට ජනතාවට තවදුරටත් ඒකාධිපතියෙකු අවශ්‍ය නැත.

අනෙක් අතට වර්තමානයේ මේ රටේ ස්ථාවරත්වයක් ඇතැයි හා එය සංවර්ධනය සඳහා අත්‍යවශ්‍ය සාධකයකැයි යන මතය ද මිථ්‍යාවක් බව ද සිහි බුද්ධියක් ඇති ජනතාව දනී.මේ රට ජාතික වශයෙන් මෙන්ම ජාත්‍යන්තර වශයෙන් ද මෙතරම් අවදානමට හා අපතීර්තියට පත් වූ අවධියක් මින් පෙර නොතිබිණි. ඒකාධිපතිවාදය යනු විවිට අදහස් හා නිදහස මර්ධනය සඳහා යෙදා ගනු ලබන දුර්වල අවියකි. එයින් වාසි ලබන්නේ සමාජයේ දූෂිතම කොටස් හා පාදඩ පංතියයි. අද මෙරට ඇත්තේ එබඳු තත්වයක් මිස ස්ථාවරත්වයක් නොවේ. Continue reading මග හොඳට තිබේ නම් යන්ට පාරත් පෙනේ නම්…. – ආචාර්ය මයිකල් ප්‍රනාන්දු

මානව සුරක්ෂිතභාවයකින් තොර ජාතික ආරක්ෂාව – මහාචාර්ය සිරි හෙට්ටිගේ

කොළඹ විශ්වවිද්‍යාලය

යුද්ධය අවසන් වී වසර පහක් ගෙවීගොස් ඇති අද මෙරට මුහුණදෙන ප‍්‍රධානම ප‍්‍රශ්නය ලෙස බලයේ සිටින නායකයන් හුවා දක්වන්නේ ජාතික ආරක්ෂාවට තර්ජනයක් ඇතැයි යන්නයි. එහෙත් පුදුමයට කාරණයක් වන්නේ, මෙරට දේශපාලන ක්ෂේත‍්‍රයේ ක‍්‍රියාත්මක වන අනෙකුත් කිසිම දේශපාලන පක්ෂයකට හෝ කණ්ඩායමකට හෝ නොපෙනෙන ජාතික ආරක්ෂාව පිළිබඳ තර්ජනයක් බලයේ සිටින අයට පමණක් පෙනීමයි.

මෙරට යුද්ධයක් පැවැති වසර තිහක පමණ කාලය තුළ රාජ්‍යාරක්ෂාව පිළිබඳ ප‍්‍රශ්නයක් පැවැති බව කවුරුත් දන්නා සත්‍යයකි. එම ජාතික ආරක්ෂාව පිළිබඳ ප‍්‍රශ්නය මතුවූයේ කෙසේද යන්න පිළිබඳව විවිධ අදහස් තිබිය හැකි වුවත්, ඒ සඳහා ප‍්‍රධාන සාධකයක් වූයේ මෙරට ද්‍රවිඩ ජනතාවට මුහුණදීමට සිුවූ විවිධ ප‍්‍රශ්න පදනම් කරගෙන ක‍්‍රමිකව වර්ධනය වූ බෙදුම්වාදී ව්‍යාපාරයයි. එහි ප‍්‍රධාන ධාවක බලවේගය වූ LTTE සංවිධානය යුදමය වශයෙන් පරාජයට පත්වීමත් සමග, ජාතික ආරක්ෂාව පිළිබඳ ප‍්‍රශ්නය යටපත් වූ අතර, ඉන් පසු මතුපිටට පැමිණියේ ද්‍රවිඩ ජනතාව මෙන්ම රටේ අනෙකුත් ජනකොටස් ද කලක සිට මුහුණදී සිටි මානව සුරක්ෂිතභාවය පිළිබඳ ප‍්‍රශ්නයයි. දුගීකම, රැකියා විරහිතභාවය, සෞඛ්‍ය, අධ්‍යාපනය, ප‍්‍රවාහනය, සමාජ රක්ෂණය, නිවාස ආදී ප‍්‍රශ්න මෙම මානව සුරක්ෂිතභාවය හා ඍජුවම බැඳුණු ප‍්‍රශ්න වේ. මෙම ප‍්‍රශ්න හමුවේ, රටේ ජනතාවගෙන් බොහෝ පිරිසක් මානව සුරක්ෂිතභාවය පිළිබඳ ප‍්‍රශ්නය නිසා දැඩි ලෙස අපහසුතාවට පත්ව සිටින බව නොරහසකි. දිනෙන් දින ඉහළ යන ජීවන බර හමුවේ තම පවුල්වල සාමාජිකයන්ගේ ජීවිත සුරක්ෂිත කර ගැනීම සඳහා බොහෝ තරුණ තරුණියන්, කාන්තාවන් හා පුරුෂයන් රට හැරදා වෙනත් රටවල රැකියා සොයා යාමට පෙළඹීම හේතුවෙන් කුඩා ළමුන් හා වැඩිහිටියන් විශාල පිරිසක් දැඩි අනාරක්ෂිත තත්වයට පත්වන බවට ඕනෑතරම් සාක්ෂි පර්යේෂණ හා ජනමාධ්‍යයන් තුළින් දිගින් දිගටම හෙළි වී ඇත. ආර්ථික ව්‍යුහයේ ඇති බැ?රුම් ප‍්‍රශ්න හමුවේ, බොහෝ වෘත්තීය සුදුසුකම් ලත් පිරිස් වෙනත් රටවලට සංක‍්‍රමණය වීම නිසා, රටේ අනාගතයට දැඩි හානිකර තත්වයක් උද්ගත වී ඇත. උතුරේ දහස් ගණනක් කාන්තාවන් හා ළමුන් තම පියවරු හා ස්වාමිපුරුෂයන් නැතිවීම නිසා දැඩි අනාරක්ෂිත හා අසරණ භාවයට පත්ව ඇත. ජලයට මුසු වූ රසායන ද්‍රව්‍ය නිසා වකුගඩු රෝගයෙන් පෙළෙන දහස් ගණනක් පවුල්වල සාමාජිකයන් මුහුණදී සිටින්නේ ජාතික ආරක්ෂාව පිළිබඳ ප‍්‍රශ්නයකට නොව, තම පවුල්වල රැකවරණය පිළිබඳ ප‍්‍රශ්නයටයි. Continue reading මානව සුරක්ෂිතභාවයකින් තොර ජාතික ආරක්ෂාව – මහාචාර්ය සිරි හෙට්ටිගේ

ගෝනිබිල්ලන්ට බිය නොවෙමු – මහාචාර්ය එච් එල් සෙනෙවිරත්න

ජනාධිපති රාජපක්ෂ තම ධුර කාලයෙන් වසර දෙකක්ම ඉතිරිව තිබිය දී ජනාධිපතිවරණයක් පැවැත්වීමට තීරණය කළේය. මෙම තීරණයට හේතුව මෙරට ජනයා සිය පාලනය විසින් පටවනු ලැබූ බරින් පීඩිතව සිටින බවත් සිය ඒකාධිපති ස්වරූපයේ පාලන ශෛලියෙන් හෙම්බත්ව සිටින බවත් ඌව පළාත්සභා මැතිවරණයෙන් පසු අවබෝධ වීමය. ”ත‍්‍රස්තවාදය පැරදවීම” මත පදනම් වූ ඔහුගේ ජනප‍්‍රියභාවය ද හීන වෙමින් යන බැවින් තව වසර දෙකක් ගත වුවහොත් ඉදිරි ජනපත්ිවරණයකින් තමා පරාජය වන බව ඔහු දැන ගත්තේය.

වර්තමාන ජනපතිවරණ ප‍්‍රචාරණ ව්‍යාපාරයේ දී ඔහු විසින් යොදා ගනු ලබන කපටි උපක‍්‍රමයන්ගෙන් එකක් වන්නේ විදේශ ගත දෙමළ පුරවැසියනට හා වෙනත් බලවේගයන්ට අනුබල දෙමින් රට අස්ථාවර කිරීමටත් තමා විදුලි පුටුවට යැවීමටත් ”විදේශීය කුමන්ත‍්‍රණයක්” ඇතැයි කියමින් ජනතා අනුකම්පාව ලබා ගැනීමට තැත් කිරීමය.

මේ දෙකම මෙම පාලනතන්ත‍්‍රය මෙරට ජනතාව විෂයෙහි දක්වන අපහාසාත්මක ආකල්පය ප‍්‍රකාශ කරන සාවද්‍ය චෝදනාවන්ය. මෙයින් පැහැදිලි වන කරුණ නම් මෙරට ජනයා ගෝනිබිල්ලන් ගැන කියා බිය ගැන්විය හැකි ළදරුවන්ටත් වඩා අඥාන සේ ඔහු විසින් සලකනු ලබන බවය. මේවා ගෝනිබිල්ලන් එන්නේය යි කියන කතාවලට වඩා වෙනස් නැත. කිසිදු විදේශීය බලවේගයකට මෙරට අස්ථාවර කිරීමේ හෝ ජනපති විදුලි පුටුවට යැවීමේ වුවමනාවක් නැත. සිම්බාබ්වේ, උතුරු කොරියාව වැනි ලෝකයේ නොයෙක් ප‍්‍රදේශවල රාජපක්ෂ රෙජීමයේ වැනි පාලන ක‍්‍රමයන් නෙ යන ඒකාධිපතියෝ සිටිති. කිසිවෙකු ඔවුන් විදුලි පුටුවට යවන්නේ නැත. ඔවුහු ඔවුන්ගේ සුව පහසු පුටුවල සැප සේ අසුන් ගෙන සිටිති. Continue reading ගෝනිබිල්ලන්ට බිය නොවෙමු – මහාචාර්ය එච් එල් සෙනෙවිරත්න