Category Archives: ජනවාර්ගික සබඳතා

උතුරු-නැගෙනහිර

උතුරු-නැගෙනහිර තත්ත්වය ගැන පාර්ලිමේන්තු විවාදයක් ඉල්ලීමට විපක්ෂයේ ඉන්නා දකුණේ සිංහල පක්ෂ දෙකටම තවමත් අවශ්‍ය නැත. ද්‍රවිඩ සන්ධානයේ පාර්ලිමේන්තු මන්තී‍්‍ර සුමන්තිරන් මහතා උතුරු-නැගෙනහිර ප‍්‍රදේශවල යුද්ධයෙන් පසුව පවත්වා ගෙන යන මේ රාජපක්ෂ පාලනය පිලිබඳව දෙවන වරටත් ඉතා විස්තරාත්මක වාර්තාවක් පාර්ලිමේන්තුවෙහි සභාගත කළ පසු, ඒ සම්බන්ධයෙන් ආණ්ඩුව උත්තර බඳින්නට සූදානම් නැති නම්, විවාදයක් ඉල්ලීමේ වගකීම ඇත්තේ විපක්ෂයේ අනෙක් පක්ෂ නායකයින්ට ය. විශේෂයෙන් විපක්ෂ නායකයාට ය. පසු ගිය සතියේ මෙහි දෙවන කොටස පළ කිරීමට කලින් විපක්ෂයේ මන්තී‍්‍රවරුන් දෙදෙනකුට ඒ බැව් මතක් කිරීමක් ද කළෙමි. එනමුත් එවැනි විවාදයක් ඉල්ලීමේ වුවමනාවක් මේ සිංහල යු.ඇන්.පියට නැත.

ඔවුන් බොහෝ විට මේ වාර්තාව ගැන කතා කිරීම මග හරින්නේ, විපක්ෂය තවමත් ජාතික පක්ෂ ලෙස නොව, සිංහල පක්ෂ ලෙස හිතන පතන, හැසිරෙන දකුණේ දේශපාලනඥයින් ගේ පක්ෂ වන හෙයිනි. එය නොකඩවා පැහැදිලි කෙරෙන ආසන්නම කාරණය වුයේ ව්‍යාපාර පවරා ගැනීමේ පණත ගැන, සිංහල ව්‍යාපාරිකයින් බේරා ගැනීමට ඔවුන් කළ ප‍්‍රකාශ වලිනි.

එය ඊළගට විස්තර කෙරෙන්නේ, උතුරෙහි මේ රාජපක්ෂ පාලනය කෙතරම් සිංහලවාදී ලෙස හැසිරෙන්නේ දැයි මේ වාර්තාවෙන් කරුනු සහිතව පෙන්වා දෙන විටත් විපක්ෂය ඒ හමුවේ නිහඬව සිටින විට ය.

මෙතැන් සිට පහතින් ඇත්තේ උතුරෙහි ඒ සිංහලකරණය ගැන විශේෂයෙන් සඳහන් වන තොරතුරු සහිත, තෙවන කොටස ය. Continue reading උතුරු-නැගෙනහිර

Advertisements

උතුරු-නැගෙනහිර

උතුරු නැගෙනහිර ජනතාවගේ දෛනික ජීවිතයට අවශ්‍ය මූලික කාරණා කිසිවක්ම ඔවුන් ගේ ඕනෑ එපාකම් මත තීන්දු නොවෙන බව, ද්‍රවිඩ ජාතික සන්ධානයේ පාර්ලිමේන්තු මන්තී‍්‍ර එම්. ඒ. සුමන්තිරන් විසින් පාර්ලිමේන්තුවෙහි සභාගත කළ උතුරු නැගෙනහිර පවත්නා තත්ත්වය පැහිදිලි කරන, ඔහුගේ දෙවන වාර්තාවෙන් පෙන්වා දෙයි.

එහි සඳහන් අයුරු, ධීවර කර්මාන්තයට ආණ්ඩුවේ කියුම් කෙරුම් නොතකා, හමුදාව විසින් තවමත් සීමා තහංචි පනවන අතර, ඇතැම් ප‍්‍රදේශයන් හි දෙමළ ධීවර ජනතාව ඉවත් කර, එම ප‍්‍රදේශයන් හි ධීවර කටයුතු සඳහා දකුණේ සිංහල ධීවරයින් පදිංචි කර ඇත. කුච්චවේලිහි ආරම්භ කර ඇති රයිගම් ලූනු කර්මාන්තය සම්බන්ධයෙන් 2009 අග දී ද්‍රවිඩ ජාතික සන්ධානයේ ආර්. සම්පන්දන් මන්තී‍්‍ර විසින් ඊට එරෙහිව ජනාධිපතිට හා ආර්ථික සංවර්ධන ඇමතිට කරුණු ඉදිරිපත් කළ ද, එය මේ වන විට ආරම්භ කර ඇත්තේ 2,500 ක් පමණ ප‍්‍රදේශයේ දෙමළ ජනතාව ගේ ජීවනෝපායට තර්ජනයක් එල්ල කරමින් පමණක් නොව, ප‍්‍රදේශයේ ජනගහන සංයුතිය පවා දෙමළ ජනතාවට අවාසි සහගත ලෙස වෙනස් කරමින් බව සුමන්තිරන් වාර්තාවෙහි සඳහන් වන්නේ ය.

එනමුත් එවැනි කාරණා බොහෝමයක් සම්බන්ධව ධීවර ඇමතිවත් ආර්ථික සංවර්ධන ඇමතිවත් ආණ්ඩුව වත් පාර්ලිමේන්තුවේදී නිල පිළිතුරු ලබා දෙන්නේ නැත.

එවැනි බරපතල ප‍්‍රශ්න විස්තරාත්මකව මතු කරන සුමන්තිරන් වාර්තාවෙහි, මේ දෙවන කොටස ය. Continue reading උතුරු-නැගෙනහිර

උතුරු-නැගෙනහිර

උතුරු-නැගෙනහිර ජනතාවත් ඔවුන් ගේ ආත්ම ගරුත්වය හා නිදහස් පැවැත්ම ගැනත් දකුණේ සිංහල සමාජය කතා කරන්නේ, ඒ සියල්ල දැන් මේ ආණ්ඩුව විසින් එල්.ටී.ටී.ඊ ත‍්‍රස්තවාදය පරාජය කිරීමෙන් නිවැරදි කර ඇත යන, සිංහලවාදී අභිමානයෙනි. ආණ්ඩුව කියන ආකාරයට දැන් එහි ගොඩ නැගෙන්නේ සුර පුරයකි. ‘‘නැගෙනහිර උදානය’’ හා ‘‘උතුරු වසන්තය’’ සමගින් ඒ පළාත් වල සංවර්ධනය දැන් දෝරේ ගලන්නේ ය. දකුණ පිළිගන්නට වඩා කැමති, එවැනි කතා ය. එහෙත් සැබෑව එය නොවේ යැයි කියන්නට එහි යන එන කොළඹ ඉහළ සමාජයේ ඉන්නා රාජ්‍ය නොවන විශේෂඥයෝ ද, ස්වාධීන යැයි කියා ගන්නා රාජ්‍ය නොවන මාධ්‍ය ලොක්කෝ ද ඉදිරිපත් නොවෙති. එබැවින් සිංහල සමාජයේ යටත් වැසියන් පමණක් නොව, පුරවැසියන් ද උතුරේ සහ නැගෙනහිර පවත්නා යථා තත්ත්වය පිළිබඳව සැබෑ තොරතුරු නොදන්නෝ ය.

දෙමළ ජාතික සන්ධානයේ පාර්ලිමේන්තු මන්තී‍්‍ර එම්. ඒ. සුමන්තිරන් මහතා ‘‘ශී‍්‍ර ලංකාවේ උතුරු-නැනෙහිර තත්ත්වය – බරපතල කණස්සල්ලට හේතුවන කාරණා සමූහයක්’’ යන මැයෙන් දෙවන වරටත් ඉකුත් ඔක්තෝම්බර 21 වන දින උතුරු-නැනෙහිර පවත්නා තත්ත්වය පිලිබඳව විස්තරාත්මක වාර්තාවක් පාර්ලිමේන්තුවට ඉදිරිපත් කරන්නේ, ඒ පසුබිමෙහි ය. එම වාර්තාවට හෝ එහි ඇතුළත් කරුනු කාරණා පිළිබඳව, සිංහල හෝ ඉංගී‍්‍රසි ප‍්‍රධාන ධාරාවේ කිසිදු මාධ්‍යයක් විසින් වැදගත් ආවරණයක් ලබා දී නැත.
එනිසා සිංහලෙන් මෙහි පළ කෙරෙන්නේ සංස්කරණය නොකළ එහි පළමු කොටස ය.

උතුරු – නැගෙනහිර: බරපතළ කනස්සල්ලට හේතුවන කාරණා සමූහයක්
දෙමළ ජාතික සන්ධානයේ පාර්ලිමේන්තු මන්තී‍්‍ර එම්. ඒ. සුමන්තිරන්
සිංහල පරිවර්තනය, කුසල් පෙරේරා

01. හඳුන්වාදීම

පසු ගිය ජූලි 07 වන දින උතුරු-නැගෙනහිර පැවති බැරෑරුම් හදිසි තත්ත්වය සම්බන්ධව මම පාර්ලිමේන්තුවට වාර්තාවක් ඉදිරිපත් කළෙමි. මෙය එහි ඊළ`ග එකතුව ය. මෙයින් සාකච්ඡුා කෙරෙන්නේ ඒ ප‍්‍රදේශයන්හි ඉන් පසු ඇති වූ හෝ එතැන් සිට තවමත් අවසන් නොවුනු කාරණා සම්බන්ධයෙනි.

02. හමුදාකරණය
2.1 සංඛ්‍යා ලේඛන හා හමුදාව සිටීමේ බලපෑම – වර්ග කිලෝ මීටර 65,619 ක් වන භුමි ප‍්‍රමාණයෙන් උතුරු-නැගෙනහිර ලෙස දෙමළ වාසය ඇත්තේ වර්ග කිලෝ මීටර 18,880 කය. එනමුත් 2009 මැයි මාසයෙන් පසු, දෙමළ ජනතාව සතු වූ ඉඩම් වලින් වර්ග කිලෝ මීටර 7,000 ක් හමුදාව අත් කර ගෙන ඇත. යාපනය අර්ධද්වීපයේ දළ වශයෙන් සෑම දෙමළ වැසියන් දස දෙනෙකුටම, එක සොල්දාදුවෙකු ඇත. විශාල හමුදාවක් උතුරු-නැනෙහිර නවතා සිටීම, ඉතාම බරපතල කාරණාවකි. යුද්ධය අවසන් වී වසර දෙකක් ඉක්ම ගියද, මේ ප‍්‍රදේශ වල පැවති ගැටුම්කාරී තත්ත්වයෙන් ඒවා සාමාන්‍ය තත්ත්වයට පත් කිරීමට, තවම ආණ්ඩුවට නොහැකි වී ඇත. මෙම වාර්තාවෙහි අනෙක් කොටස් වලින් පැහැදිලිව පෙන්වා දෙන අයුරු, සමාජ පැවැත්ම බිඳ වැටීම, ලිංගික හිංසනයන් ඇතුලූ රාජ්‍ය ප‍්‍රචණ්ඩත්වය, ඉඩම් කොල්ලය හා පදිංචි කිරීම්, ප‍්‍රදේශයේ ජනතාවගේ ජීවනෝපායන් පිළිබඳ ගැටළු වැනි බොහෝමයක් ප‍්‍රශ්න වලට සහ ප‍්‍රදේශයේ පරිපාලනය ඇතුලූ ආණ්ඩු පාලනයටත් සමථ කි‍්‍රයාකාරිත්වයටත් නොනිල වශයෙන් මැදිහත්වීම, උතුරු-නැගෙනහිර ඇති විශාල හමුදා රැඳවීම් හා සෘජු සම්බන්ධයක් ඇත.

2.2 රාජ්‍ය අපරාධ නොතැකීම – රාජ්‍ය අපරාධ නොතැකීමේ හැදියාව, දිගු කාලයක සිට පැවත එන බරපතල කාරණයකි. මෙහි පසුව සවිස්තරව ඉදිරිපත් කෙරෙන ආකාරයට, ලිංගික හිංසන ඇතුලූ රාජ්‍ය ප‍්‍රචණ්ඩත්වය සම්බන්ධයෙන් මෙය වඩාත් අදාල ය. කිසියම් සිදුවීමක් සම්බන්ධව රාජ්‍ය හමුදාවන්ට, රාජ්‍ය නිලධාරියෙකුට හෝ සෘජු හෝ වක‍්‍ර ආකාරයෙන් රජයේ නිලධරයෙකු ගේ අභිමතය මත කි‍්‍රයා කළ පුදග්ලයෙකුට විරුද්ධව හෝ පැමිණිලි කළ ද, කිසිදු පරීක්ෂණයක් ඒ වෙනුවෙන් සාමාන්‍යයෙන් නොකෙරෙන්නේ ය. නිදසුනක් වශයෙන් පළමු වාර්තාවෙහි සඳහන් කෙරුනු අලවෙට්ටිහි පහරදීම් ගැන පරීක්ෂණ කෙරෙන්නේ නැත. එවගේම, උදයන් පවුත් පතේ කර්තෘට පහර දීම සම්බන්ධයෙන් වන පරීක්ෂණ ද තවමත් එතැනම ය. උතුරු-නැනෙහිර ‘‘ගී‍්‍රස් යකා’’ පහර දීම් පිළිබඳ පරීක්ෂණ ද එවැනිම ය. එවගේම, වසරකට පමණ පෙර සන්නද්ධ කාණ්ඩයක් විසින් නිවාස වලට අලාභ හානී කර වැසියන්ට පහර දීම පිලිබඳව කෙරුනු පරීක්ෂණ ද තවමත් එතැනම ය. Continue reading උතුරු-නැගෙනහිර

දේශපාලනය

” බුර්කාව තහනම් කිරීමට සාර්කෝසි සමග එක්වෙමු!” අයිසෙත් හුසේන් කියයි
” බුර්කාව තහනම් කිරීමට සාර්කෝසි සමග එක්වෙමු” යැයි ලාංකික ලේඛන අයිසෙත් හුසේන් Lakbima News පුවත් පතට ලිපියක් ලියමින් තර්ක කොට ඇත. ඔහුගේ අදහස් වලට ඔබ එකඟ වේදැයි බලන්න. මුල් ලිපිය මෙහි බලන්න. ඔබේ අදහස් අපට ලියන්න.

දේශපාලනය

2010 ජනාධිපතිවරණය පිළිබඳ පසුවදනක්: වාර්ගික සුලුතරයන් කුමන මාවතක් තෝරා ගනු ඇත් ද?
– සංකජය නානායක්කාර විසිනි

මෙම මැතිවරණයේ දී දෙමළ සහ මුස්ලිම් ජනතාව ආණ්ඩුව තුළ සිටින තම ප්‍රජාවන්ගේ නියෝජිතයන් පුස්සන් බවට පත් කළෝය. මෙමගින් ඔවුන් කර ඇත්තේ ආන්ඩුව තුළ වූ තමන්ගේ කේවල් කිරීමේ බලය දිය කර හැරීමය. ඔවුන් ජනාධිපතිවරයා සිංහල අන්තවාදීන් ගේ ප්‍රාන ඇපකරුවකු බවට පත් කර ඇත.

දෙමළ ඇතුලු වාර්ගික සුලුතරයන් හට තෝරා ගැනීම සදහා මාවත් දෙකක් ඇත. බෙදුම්වාදය එක් මාවතකි. මෙම මාවතේ තවදුරටත් ගමන් කළහොත් නුදුරු අනාගතයේ දී ලංකාවේ දෙමළ ජාතියක නෂ්ඨාවශේෂ පවා සොයා ගැනීමට අපහසු වේ. ටොරොන්ටෝවේ, ලංඩනයේ සහ පැරිසියේ දෙවැනි කැලෑසියේ පුරවැසියන් ලෙස ජීවත්වීම පමණි ඔවුන් හට ඉතිරි වනුයේ.

ලාංකීය දේශපාලන සංස්ථාවේ අති ප්‍රබල සංඝටකයක් බවට පත්වී ඇති ජ්‍යෝතිෂවේදීන් ඇතුලු කිසිදු දේශපාලන විශ්ලේශකයෙකු මහින්ද රාජපක්ෂ මහතා හට මෙවන් දැවැන්ත ජයග්‍රහණයක් බලාපොරොත්තු නොවූයේය. බොහෝ දේශපාලන විශ්ලේෂකයන් පවසා සිටියේ මැතිවරණය ප්‍රධාන අපේක්ෂකයන් දෙදෙනා අතර තියුණු තරඟයක් වන අතර ඔවුන් දෙදෙනාගෙන් කවුරුන් හෝ කෙනෙකු සුලු ඡන්ද ප්‍රතිශතයකින් (4%-5%) ජයග්‍රහණය කරන බවය. ඇතැමෙකු තර්ක කළේ සිංහල ජාතිය ප්‍රධාන අපේක්ෂකයින් දෙදෙනා අතර බෙදී යන සංදර්භයක් තුළ සුලුතර ජාති ද විශේෂයෙන් දෙමළ ජාතිය, මැතිවරණයේ ප්‍රතිඵලය තීන්දු කරන බවය. රාජපක්ෂ පිළේ බොහෝ දෙනෙකු අපේක්ෂා කළේ වැඩි ඡන්ද සුලු ප්‍රමාණයකින් මහින්ද රාජපක්ෂ මහතා ලබන ජයග්‍රහණයකි.

වාර්ගික ධ්‍රැවීකරණයක් ?
ලංකාව නිදහස ලැබීමට ආසන්නව සිටින අවධියේ පමණ සිට අත්දකින වාර්ගික ධ්‍රැවීකරණය මෙම ජනාධිපතිවරණයෙහි තියුණු ලෙස ප්‍රකාශ විය. සිංහලයන් බහුතරයක් මෙම මැතිවරණයේ දී ඡන්දය ප්‍රකාශ කළ නමුදු දෙමළ සහ මුස්ලිම් ජනයා එසේ සහභාගි නොවූහ. උදාහරණයක් ලෙසට යාපනයේ ලියාපදිංචි ඡන්දදායකයන් අතුරෙන් 18% ක් විසින් පමණි, මෙම මැතිවරණයේ දී ඡන්දය ප්‍රකාශ කරනු ලැබූවේ. ඇතැමෙකු පවසන්නේ ලියාපදිංචි ඡන්දදායකයන්ගේ ලේඛන පැරණි බවත් වර්තමානයේ බොහෝ පිරිස් මෙම ප්‍රදේශ තුළ ජීවත් නොවන බවත්ය. එම නිසා අවතැන් ලියාපදිංචි ඡන්දදායකයන්ගේ ක්‍රියාකාරිත්වය මැතිවරණය පිළිබඳ දෙමළ ජනයා තුළ පවතින උනන්දුව පිළිබඳ යම් ඉගියක් අපට ලබා දෙයි. උතුරු පළාතෙන් ලියාපදිංචි අවතැන් ඡන්දදායකයන් 45,542 අතරින් මෙවර ඡන්දය ප්‍රකාශ කර ඇත්තේ, 25,541 ක් පමණි. මතක තබා ගත යුතු තවත් කරුණක් නම්, අවතැන් පුද්ගලයන් අතරින් විශාල ප්‍රමාණයක් ඡන්දය සදහා ලියාපදිංචි වීමට අනන්දුවක් නොදැක්වූ බවය. එමෙන්ම, නැගෙනහිර පළාත තුළ දක්නට ලැබුනේ 50%-60% අතර සහභාගිත්වයකි.

මහින්ද රාජපක්ෂ මහතා හට සිංහල ග්‍රාමීය සහ නාගරික ප්‍රදේශ තුළ ඉතා ඉහළ ප්‍රතිචාරයක් ලැබුනි. විශාල අසිංහල ජනතාවක් සිටින කොළඹ සහ මහනුවර වැනි නගර (සම්ප්‍රදායික එ.ජා.ප. බලකොටු) හැර සිංහල බහුතරයක් සිටින බොහෝ නාගරික සහ අර්ධ-නාගරික ප්‍රදේශ පවා රාජපක්ෂ මහතා ජයග්‍රහණය කළේය. එබැවින් ඔහුගේ දේශපාලන පදනම ග්‍රාමීය සිංහල ජනතාවට සීමා නොවේ.

සම්ප්‍රදායිකව එ.ජා.ප. යට හිතවත් කතෝලික වළල්ලේ ප්‍රදේශ බොහෝමයක ජය තහවුරු කර ගැනීමට ජනාධිපතිවරයාට මෙවර හැකි විය. ඒවා අතර, හලාවත සහ වෙන්නප්පුව වැනි ප්‍රදේශවල වැඩි ඡන්ද විශාල ප්‍රමාණයකින් ඔහුට ජය හිමි විය. එම නිසා රාජපක්ෂ මහතාගේ ජය සහතික කළේ සිංහල-බෞද්ධ ඡන්ද පමණක් නො‍ෙව්. සිංහල කතෝලික ඡන්ද දිනා ගැනීමට ශ්‍රී. ලං. නි. ප. කතෝලික දේශපාලනඥයන්ගේ බලපෑමට අමතරව කතෝලික බැතිමතකු වන ජනාධිපතිවරයාගේ බිරිඳ ද යම් පමණකට හේතු වුවා විය හැක.

නැගෙනහිර පළාතෙන් පිටත ජීවත්වන මුස්ලිම් ජනයාගේ විශ්වාසය යම් පමණකට දිනා ගැනීමට රාජපක්ෂ මහතාට හැකි වී ඇති බව බේරුවල සහ මාවනැල්ල වැනි මැතිවරණ කොට්ඨාස ජයග්‍රහණය කිරීම තුළින් පෙනේ.

විශ්‍රාමික ජනරාල්වරයාට ඉහළ ප්‍රතිචාරයක් ලැබුනේ විශාල අසිංහල ජනතාවක් සිටින සහ සම්ප්‍රදායික එ.ජා.ප. බලකොටු ලෙස සැලකෙන කොළඹ සහ මහනුවර වැනි නාගරික ප්‍රදේශ වලිනි. එමෙන්ම, දෙමළ සහ මුස්ලිම් බහුතරයක් සිටින උතුරු සහ නැගෙනහිර පළාත් ද ඔහු ජයග්‍රහණය කළේය. යාපනය, වන්නිය, ත්‍රිකුණාමලය, මඩකලපුව, දිගාමඩුල්ල සහ නුවරඑළිය යන දිස්ත්‍රික්කවල ‍ෙෆාන්සේකා මහතා ජයග්‍රහණය කළේය. ත්‍රිකුණාමලය, දිගාමඩුල්ල සහ නුවරඑළිය වැනි සැලකිය යුතු සිංහල ජනතාවක් ජීවත් වූ දිස්ත්‍රික්කවල ඔහු ජයග්‍රහණය කළේ අඩු ප්‍රතිශතයකිනි.

පැහැදිලිවම, මෙම මැතිවරණයේහි දී අප දකින්නේ වාර්ගික ලෙස ධ්‍රැවීකරණය වූ ඡන්ද ප්‍රකාශ කිරීමකි. ආගම් භේදයකින් තොරව සිංහල ජනයා ජනාධිපතිවරයාට ඡන්දය ප්‍රකාශ කර ඇති අතර, දෙමළ සහ විශේෂයෙන්ම නැගෙනහිර මුස්ලිම් ජනයා විශ්‍රාමික ජනරාල්වරයාට ඡන්දය දී ඇත. Continue reading දේශපාලනය

දේශපාලනය

ගෝඩෝ එනකන්?
සංකජය නානායක්කාර

අප දැන් සිටින්නේ ජනාධිපතිවරණයක මුව අග ය. එබැවින් මෙය ජනප්‍රිය දේශපාලනයේ සමය යි. මෙම කාලය තුළ ජනවාර්ගික ගැටලුව මඟහැර සිටීම කළ හැකි හොඳම දෙය වේ. වඩාත් භයානක දෙය නම් ඉතිහාසයේ නොයෙක්වර ශෝචනීය ලෙස සිදුවූ පරිදි, බහුතර සිංහල ජනතාවගේ සැක සංකා දඩමීමා කරගෙන අන්තවාදී බලවේග අවුළුවන ජාතිවාදී ඝෝෂාවය. කොටින්ට එරෙහිව ලැබූ යුද ජයග්‍රහනය ජනාධිපතිවරණයේ ප්‍රධාන තේමාව බවට පත්වීම නොවැළැක්විය හැකි කරුණකි. ජනාධිපතිවරණය කලින් පවත්වන්නේත්, ජනරාල් ‍ෆොන්සේකා විපක්ෂ පොදු අපේක්ෂකයෙකු ලෙස මතුවන්නේත්, යුද ජයග්‍රහනයෙන් දේශපාලන වාසි ලබා ගැනීමට උත්සාහ කරන නිසාය.

Continue reading දේශපාලනය

දේශපාලනය

හෘද සාක්‍ෂිය
විදුර මුණසිංහ

ප‍්‍රභාකරන් හුදෙක් අපගේ ප‍්‍රතිවාදියා පමණක් නොව අපගේ පැවැත්මේ, අපගේ සුඛ විහරණයේ, සාමකාමී හිඳීමේ, අපගේ සතුටේ ප‍්‍රතිපක්‍ෂය විය. අපගේ සතුට, දුක, ශෝකය, උන්මාදය, චිත්තපී‍්‍රතියද පැවතුනේ ඔහු සමගිනි (මා මිතුරකුට අනුව ”අපිට රිදව රිදව අපිත් එක්ක අවුරුදු 30 ක් හිටපු මිනිහ”). ආදරය/ වෛරය, හොඳ/ නරක, කලූ/ සුදු ආදී සියලු ප‍්‍රතිපක්‍ෂයන්හි එකකට අනෙක නොමැතිව පැවතිය නොහැකිවාක් මෙන් අපගේ සාමාන්‍ය ජීවිතය සමග ප‍්‍රභාකරන් අවියෝජනීයව බැඳී සිටියේය. අපි ඔහුට අතිශයින් බිය වීමු. ඔහුගේ ලේ පිපාසය ඕනෑම මොහොතක මා ඇතුලු මා ආදරය කරන කවුරුන් හෝ බිලිගත හැකිවිය.

දිනය – 2009. 05.19
වේලාව – රාතී‍්‍ර 11.17

විධිමත්ව යමක් ලිවීමට තරම් නිශ්චිතතාවයකින් තොරව මේ මොහොතේ මා දරා සිටින්නාවූ අවිධිමත් ශෝකය, දුක, සතුට, පී‍්‍රතිය වැනි භාෂාත්මක කියවීමකට රාමුගත කරගත නොහැකි හැඟීම විසින් අපහසුතාවයට, වියවුලට සහ උදාසීනත්වයට ලක්ව සිටින මා එසේ තිබියදීත් මෙම ලිවීම ආරම්භ කරන්නේ භාෂාවට නැංවිය නොහැකි අසීමිතභාවය වචනයට නැංවූවිට සීමාසහිත වීමෙන් බිහිවන ආඛ්‍යානය විසින් ඊට පෙර නොවූ ගල් ගැසුනු අර්ථය ජනනය කරන්නේය යන පදනමේ සිටය. එබැවින් මේ වූකලී මට දැනෙන මේ යැයි කිව නොහැකි හැඟීමක් නිසා දැනෙන අපහසුතාවයට භාෂාව තුල කුමණ හෝ පිලිතුරක් සොයායමින් විසඳුමක්, සහනයක් ලබාගැනීමට දරන උත්සාහයකි. එසේ නොවූවහොත් මේ හැඟීම විසින් ඇතිකර ඇති උදාසීනභාවය මාගේ සාමාන්‍ය එදිනෙදා පැවැත්ම තර්ජනයට ලක්කරයි. එබැවින් මේ සත්‍යය සොයා යාමක් නොව වියුක්ත හැඟීම් සමුදායක් භාෂාත්මක ආඛ්‍යානයක් තුල සීමා සහිත කිරීමට දරන උත්සාහයකි. (භාෂාවට පිටතින් වන සත්‍යයක් නොමැති බැවින් ලිවීමට පෙර තිබූ යම ලිවීමෙන් අනතුරුව තවදුරටත් නොපවතින බව මම දනිමි. නිශ්චිතව කුමක්දැයි නොදන්නා දෙය ආඛ්‍යානගත කිරීමෙන් පෙර පැවති වියවුල නිමවී නව සැනසිලිදායක අර්ථය පමණක් ඉතිරි වනු ඇත.)

අද දිනය තුල මා දන්නා හඳුනන දෙදෙනකු අවස්ථා දෙකකදී පැවසූ වාක්‍ය දෙකක් ඔවුන් තුලද වන මා දරා සිටින වියවුල් සහගත හැඟීමට සමාන දෙයක ප‍්‍රකාශනයන් යැයි මට සිතේ.

1. “ඇයි මිනිස්සු මේ තරම් රතිඤ්ඤා පත්තු කරන්නේ, දෙපැත්තෙම මැරුනෙ අපේ මිනිස්සු නේද ?”
2. “මොනව වූනත් ප‍්‍රභාකරන්ගෙ මිනියෙ මූණ දැක්කම මට හෝස් ගාල ගියා.”

මේ මොහොතේ පවතින සිදුවීම් අනුක‍්‍රමණයන්ද ගල් ගැස්විය යුතු යැයි මට සිතෙන්නේ පසු අවස්ථාවක මෙම සිදුවීම් මීට වඩා වෙනස් ලෙස ආඛ්‍යානගතවී තිබිහැකි (එය අනිවාර්යතාවයකි, අප අතීතය කියවන්නේ වර්තමාන මොහොතේ සිටය) බැවිනි. එවිට මා විසඳුම හොයන මේ හැඟීමට පදනමක් නොමැති වනු ඇත (මා ගැලවීමට උත්සාහ දරන මේ හැඟීම පිලිබඳව ආදරයක්ද මා තුල පවතී, එය ගල්ගැස්විය යුත්තේ මේ ලිවීම අනාගත මොහොතක කියවීමේදී විඳින සෞන්දර්යය (?) වෙනුවෙනි). Continue reading දේශපාලනය

දේශපාලනය

“තිස්සනායගම්ට දේශපාලන සිරකරුවෙක් ලෙස ආරක්ෂාව සළකන්න”
වාසුදේව නානායක්කාර බන්ධනාගාර කොමසාරිස්වරයාට කියයි

15714 “අපගේ පෙර සගයෙකු වූ ජේ.එස්. තිස්සනායගම් ඔහු ලියූ දේවල් නිසා සිර ද‍ඬුවමකට යටත් කළ බව මා දැනගත්තේ කණගාටුවෙනි. ඔහු මේවා ලියා ඇත්තේ 1980 අග සහ 1990 මුල් භාගයන්හිදී අතුරුදහන්වීම් වාර්තා ගත කරන්නට අපට උදවු කළ එකම ලාලසාවෙන් බව මගේ වැටහීම” යැයි සඳහන් කරන ප්‍රජාතන්ත්‍රවාදී වාමාංශික පෙරමුණෙහි නායක වාසුදේව නානායක්කාර, බන්ධනාගාර කොමසාරිස්වරයාට ලියුමක් යවමින්, ඔහුගේ අභියාචනය අසන තෙක්, ඔහු සාපර‍ධී වැරදි වලට දඬුවම් ලබන්නන් අතර නොතබා, ඔහුට දේශපාලන සිරකරුවෙක් ලෙස සළකමින්, සිපිරිගෙය තූළ ඔහුගේ ආරක්ෂාව සළසා දීම වැදගත් වන බව දන්වා සිටියි.

ජනවාර්ගික සබඳතා

“ අපිට අවශ්‍ය මේ කඳවුරුවල තත්ත්වය දියුණු කිරීම නෙවෙයි. ඒක මහ පව්කාර අදහසක්.”

රාවය පුවත් පතේ අගෝස්තු 02 වැනිදා කලාපය පළ කළ, ජනාධිපති ජ්‍යෙෂ්ඨ උපදේශක වාසුදේව නානායක්කාර සමග විමලනාත් වීරරත්න කළ සම්මුඛ සාකඡචාවෙන් උපුටා ගන්නා ලදී.

ඔබ මීට පෙර අවස්ථා කීපයකදීම උතුරේ අවතැන් කඳවුරුවල තත්ත්වය විවේචනය කළා. දැන් තත්ත්වය යහපත් වී තිබෙනවාද?

ජලය පිළිබඳ දියුණුවක් තිබෙනවා. එතකොට වැසිකිළි පහසුකම් පිළිබඳවත් යම් දියුණුවක් තිබෙනවා. නමුත් කඳවුරුවල තිබෙන ජනාකීර්ණභාවය, අවහිරතා, බැහැර යෑමට ඒමට නිදහසක් නැති සිරකඳවුරක තත්ත්වය, දිගටම අවම ආහාර මට්ටමකින් ජීවත් වන්නට සිදුවීමේ ඉරණම, අධ්‍යාපනය ලබන දරුවන්ට එම නරක වටාපිටාව තුළ ඉඳගෙන ඉගෙන ගන්නට සිදුවීමේ ඇති දුෂ්කර අත්දැකීම තවම අවසන් වෙලා නැහැ. ඒ නිසා කුඩා කඳවුරු කරා මේ අය අරගෙන යෑමේ අවශ්‍යතාව දැන් පිළිගැනෙමින් තිබෙනවා. අපිට අවශ්‍ය මේ කඳවුරුවල තත්ත්වය දියුණු කිරීම නෙවෙයි. ඒක මහ පව්කාර අදහසක්. අපිට අවශ්‍ය කඳවුරු අවසන් කිරීම සහ මිනිසුන් නිදහස් කිරීමයි. කඳවුරු තත්ත්වය අවසන් කෙරෙන තුරු අපි කාගෙවත් තත්ත්වෙ හොඳ වෙන්නෙ නැහැ. පහසුකම්වල, සැපයුම්වල වැඩි දියුණු කිරීමෙන් පවතින ඛේදවාචකය හොඳ අතට හරවන්න බැහැ.

රජය ඉක්මනින් කඳවුරු ඉවත් කිරීමට උනන්දුවක් දක්වන බව පේනවාද?

ඔව්. කඳවුරු ප්‍රදේශ සිවිල් පාලනයකට හරවමින් තිබෙනවා. විශේෂයෙන්ම කාර්ය සාධන බලකායේ එක් වගකීමක් ඒක. මහලු අය නිදහස් කිරීමේ කටයුතු සිදුකෙරෙමින් තිබෙනවා. නමුත් හුඟාක්ම මගේ හිත කකියන කාරණයක් තිබෙනවා. ඒ තමයි අවුරුදු 10ට අඩු ළමයින් 50,000ක් මෙතැන ගාල්වී සිටීම. ඔවුන්ට මොන වගකීමක්ද තියෙන්නෙ මේ කාලකණ්ණි යුද්ධයට. 10ට අඩු ළමයින්ට මේ ගැන කිසිම තේරුමක් නැහැ. නමුත් ඔවුන් මේ නිසා වැඩිපුරම විඳවන පිරිස් බවට පත්ව සිටිනවා. ඔවුන් ජීවත්වන්නෙ හැදෙන්නෙ වැඩෙන්නෙ මොන පරිසරයකද, මොන නරක අත්දැකීම්වලටද ඔවුන් පාත්‍රව සිටින්නෙ. ඒ ළදරු මනස්වලට මොකද වෙන්නෙ. ඒකයි මට වැඩිපුරම හිතේ අමාරු. ඊළඟට ගැබිණි මව්වරුන්, රෝගීන් ගැන හැමදාම එතැන පාලකයන් හා දොස්තරවරුන් එකිනෙකාට චෝදනා කරගන්නවා. ”

ජනවාර්ගික සබඳතා

“ මනුෂ්‍යත්වය, මානුෂික හැඟීම් හා මතවාදය රැක ගනිමුද? විසිකරමුද?”

වාසුදේව නානායක්කාර නායකත්වය දරන ප්‍රජාතන්ත්‍රවාදී වාමාංශික පෙරමුණ පළකරන ‘ශක්තිය’ පුවත් පතේ 2009 ජූලි කලාපයේ කතුවැකියෙන් උපුටා ගැණුනි.

“ඉතිහාසයේ කරුණු කාරණා පෙළ ගැසුණු ආකාරය අනුව එල්.ටී.ටී.ඊ. සංවිධානය පරාජය කරන තුරු යුද්ධයක් කරගෙන යාමට රජයට සිදුවීම නොවැලැක්විය හැකි සිද්ධි දාමයක් විය. එය දෙමළ ජනතාවට එරෙහිවූ යුද්ධයක් නොවන බවට රජය සපථ කලේය. එහෙත් යුද්ධය පැවති කාලය මුළුල්ලේම හානියට, විපතට හා ව්‍යසනයට පත්වූ විශාල වැඩි පිරිස සටන්කරුවන් නොවූ සාමාන්‍ය දෙමළ වැසියන්ම විය. අවසානයේ පරාජයට හා විනාශයට පත් කලේ බෙදුම්වාදී හා ත්‍රස්තවාදී නායකත්වය ඇතුළු එල්.ටී.ටී.ඊ. යේ සටන් බල ඇනි වුවද, නොවැලැක්විය හැකි ලෙස ඒ අතරතුර මහල්ලන්, රෝගීන්, ගැබිනියන්, දරුවන් ඇතුළු සාමාන්‍ය දෙමළ පිරිසක්ද මරණයට ගොදුරු විය. මෙම සිද්ධි දාමය විමසා බැලූ විට නිරාවරණය වන්නේ යුද්ධයේ ඇති මිලේච්ඡ ස්වරූපයම පමණි. මුළු මිනිස් ඉතිහාසය පුරා සියළු මහා දාර්ශනිකයන් චින්තකයන්, කළා කරුවන්, සාහිත්‍යධරයන්, ප්‍රාඥයන්, ශාස්තෘවරුන් හා අශෝක මහරජු වැනි යුධ ශූරයන් එරෙහිවුනේ එනිසාම විය යුතුය.

එල්.ටී.ටී.ඊ. සංවිධානය පරාජයෙන් පරාජයට යමින් පසු බසිද්දී තම ගැලවීමේ හා රජයේ ප්‍රහාර ප්‍රමාද කිරීමේ උපායක් ලෙස යොදා ගත්තේද සාමාන්‍ය අහංසක වැසියන් බව අද අවිවාදිතය. පලා යාමට තැත්කළ වැසියන්ට, දරුවන්ට හා මහල්ලන්ට පවා එල්.ටී.ටී.ඊ. ය වෙඩි තබා මරා දැමුවේ නැවතත් යුද්ධයේ මිලේච්ඡත්වය දක්වමින්ය. මෙයින් පෙනෙන්නේ සාධාරණත්වය හෝ මානව හැඟීම් පිළිබඳව යුද්ධයේ ඇති අන්ධ බවයි. අනික් අතට එල්.ටී.ටී.ඊ. ය මෙසේ අමානුෂික ලෙස අහිංසක මිනිසුන් ප්‍රාණ ඇපකරුවන් ලෙස රඳවා ගෙන ඔවුන් අතර සැඟවෙමින් හමුදාවට පහර දෙන විට එල්.ටී.ටී.ඊ. ය අවසන් පරාජයකට ගෙන යාම සඳහා ඔවුන් අතර සිටි වැසියන් ගැන නොතකා වුවද ගුවන් ප්‍රහාර හා බරඅවි ප්‍රහාර එල්ල කිරීමෙහි රජය නිරතවූ කල්හිද නැවත නිරාවරණය වූයේ යුද්ධයේ මිලේච්ඡත්වයමය. යුද්ධයක් තුළ මානව හැඟීම් හා සාධාරණත්වය මිය යන බවය.

දැන් යුද්ධය අවසන් වී ඇතත් සාමාන්‍ය දෙමළ වැසියන් තුන් ලක්ෂයක් පමණ සීමිත භූමි ප්‍රදේශයක් තුළ සිටිති. ලක්ෂ සංඛ්‍යාත ජනයාට තමන් කැමති ස්ථානයකට යාමට ඊමට හෝ කඳවුරට නැවත පැමිණීමට නිදහස නොදෙන්නේ 9000ක් පමණ එල්.ටී.ටී.ඊ. ක්‍රියාකාරීන් ඔවුන් අතර ඇති නිසා ඔවුන්ව අත්අඩංගුවට ගැනීම පිණිස බව කියැවේ. 9000ක් දෙනා සොයා ගැනීම සඳහා ලක්ෂ ගණනක් රඳවා තැබීම මනුෂ්‍යත්වයට හා නීතියටද පටහැනි වරදකි. ලක්ෂ ගණනක්වූ මොවුන් අතර සිටින අහංසක කුඩා දරුවන්ට, ගැබිනි මාතාවන්ට, දුබල මහලු පුද්ගලයන්ට, නිදහසේ යාමට ඊමට ඇති අයිතිය අහිමි කර තිබෙන්නේ කුමන ලෝක නීතියක් හෝ සාධාරණයක් අනුවද ………..? යුද්ධ සමයේ නොවැලැක්විය හැකි තත්ත්වයක් යටතේ හිංසාවට හා පීඩනයට ලක් වූ අහිංසක පුරවැසියන්, පශ්චාත් යුධ සමයේද සිරකරුවන් බවට පත්වීම දෛවයේ සරදමකි. මෙම යුද්ධය දෙමළ වැසියන්ට එරෙහිව කළ යුද්ධයක් නොවන බවට රජය කළ ප්‍රකාශයේ අවංකභාවය මේ අනුව ප්‍රශ්නයට බඳුන්වී ඇතුවා පමණක් නොව බරපතල ලෙස ජනතාව නොමඟ යැවීමක් බව තහවුරු වී ඇත. ඊට අමතරව මෙම කඳවුරෙන් තැනින් තැනට රැගෙන යන පුද්ගලයන් කොපමණද? ඔවුන් කවුරුන්ද? ඔවුන්ට සිදුවන්නේ කුමක්ද? යනාදී විස්තර නොදන්නා පවුල් හැඬු කඳුලින් හා බියෙන් ද ඒ ගැන කරකියා ගත හැකි දෙයක් නොමැතිව අසරණව සිටිති. යුද්ධයේ ජයග්‍රහණයෙන් අපගේ රජය හා නායකත්වය ලබා ගත් කීර්ති ප්‍රසංශාවන්ට මෙය කැළලකි.”